Ուշագրավ փաստ, որը կարելի է ամոթալի համարել ոչ միայն ՀՀ իշխանությունների, այլեւ Եվրամիության պաշտոնյաների համար

Երեկ ՀՀ կառավարության շենքում այնպիսի ուշագրավ փաստ է բացահայտվել, որը կարելի է ամոթալի համարել ոչ միայն ՀՀ իշխանությունների, այլեւ Եվրամիության (ԵՄ) պաշտոնյաների համար: Բանն այն է, որ դեռեւս 2012թ. դեկտեմբերին ՀՀ վարչապետ Տիգրան Սարգսյանի 1204-Ա որոշմամբ ստեղծվել է աշխատանքային հատուկ մի խումբ, որը բանակցել է Մաքսային միությանը (ՄՄ) ՀՀ անդամակցության վերաբերյալ: 9-հոգանոց այդ խումբը գլխավորել է ՀՀ էկոնոմիկայի նախկին նախարար Տիգրան Դավթյանը: Սա նշանակում է, որ իշխանությունները զուգահեռ բանակցություններ են վարել մի կողմից ԵՄ-ի հետ' Ասոցացման պայմանագրի շուրջ, մյուս կողմից ՌԴ-ի հետ' ՄՄ-ին անդամակցելու վերաբերյալ: Ընդ որում, ԵՄ-ի հետ բանակցել են բացահայտ, ռուսների հետ' գաղտնի: Իսկ այդ ընթացքում էլ նույն Տ. Սարգսյանն իր հարցազրույցներում պարբերաբար հայտարարել է, թե ՄՄ-ին ՀՀ անդամակցությունն անիմաստ է եւ անօգուտ: Ի դեպ, այսօր նույն վարչապետն իր իսկ որոշմամբ ղեկավարում է ՄՄ-ին ՀՀ միացման գործընթացները համակարգող հանձնաժողովը, կառավարության երեկվա նիստում էլ հաստատվեց ՄՄ-ին միանալու նախապատրաստական աշխատանքների ցանկը, իսկ այդ աշխատանքները պետք է ավարտվեն մինչեւ հոկտեմբերի 10-ը:

Մանրամասները` «Ժողովուրդ»-ի այսօրվա համարում: