ՄԱԿ-ում Վենեսուելայի պատվիրակությանն ԱՄՆ-ի վիզա չեն տրամադրել

ԱՄՆ-ն մերժել է ՄԱԿ-ում Վենեսուելայի պատվիրակությանը վիզա տրամադրելու հարցում. հայտնում է gazeta.ru-ն՝ վկայակոչելով South China Morning Post-ը:

Այսպիսով` պատվիրակությունը չի կարող մասնակցել ՄԱԿ-ի գլխավոր ասամբլեայի նիստին։

Ավելի վաղ ԱՄՆ-ն փակել էր իր օդային տարածքը Վենեսուելայի նախագահ Նիկոլաս Մադուրոյի ինքնաթիռի համար։

Միևնույն ժամանակ, Բոլիվիայի նախագահ Էվո Մորալեսը կոչ է արել Լատինական Ամերիկայի և Կարիբյան ջրավազանի բոլոր երկրներին` ի նշան բողոքի հրաժարվել ՄԱԿ-ի գլխավոր ասամբլեայի մասնակցությունից: