Կեցցե՛ անկախ Հայաստանը ...

Արձակագիր, բանաստեղծ և լրագրող Կարեն Առաքելյանը հանրապետական մամուլում տպագրվել է 13 տարեկանից: Հայաստանի և ՌԴ լրագրողների միության անդամ է:

Աշխատել է «Գրական թերթ»-ում, «Գարուն» ամսագրում և «Խորհրդային Հայաստան» թերթում, որպես Լոռու և Շիրակի տարածաշրջանների սեփական թղթակից:

Առանձին պատմվածքներով և բանաստեղծական շարքերով հանդես է եկել հանրապետական և արտասահմանյան մշակութային հանդեսներում, լրագրերում. («Գարուն», Լիտերատուրնայա Արմենիա», «Համայնապատկեր», «Գրական թերթ» և այլն):

Թարգմանվել ու տպագրվել է ռուսերեն և անգլերեն լեզուներով:

2011 թ. լույս է տեսել նրա «Սիրո վարդեր» բանաստեղծությունների ժողովածուն:

2013 թվականին` «Ճակատագրի դուստրը» վեպը:

Հ Ա Յ Ա Ս Տ Ա Ն

Ակնասույզ ցավի հաճո դափնեվարդ,
Օ՜, լուսապսակ՝ սեր-առեղծվածի.
Աչքի պես զուլալ ու աչքի պես բարդ –
Ազնիվ սփոփանք տարագրվածի:

Ախ, ծաղկաբաժակ մենարբեմոլի,
Հայապատումի հրաշամատյան.
Եռաձայն խորհուրդ քայլամոլորի,
Անառակ որդու սրտառուչ ատյան:

Երկի՛ր:
Միածի՛ն:
Արեգակ արդար...
Սրբազան հողի խնկաբույր ոստան.
Դու խստաբարո ու բարեհարդար –
Նաիրյան երկիր: Երկի՛ր Հայաստան:

 Նյութը պատրաստեց` Ք. Ա-ն