ԱԺ պատգամավոր Նաիրա Կարապետյանի՝ կոպիտ տառասխալներով կատարած գրառումը «Ֆեյսբուք»-ում

ՀՀ ԱԺ պատգամավոր, ՀՀԿ խմբակցության անդամ Նաիրա Կարապետյանը ֆեյսբուքյան իր էջում գրառում է կատարել:

Պատգամավորուհու գրառումը միգուցե չարժանանար մեր ուշադրությանը, եթե նա չփայլեր իր` հայերենի կատարյալ իմացությամբ: Միայն մեզ անհայտ, ուրիշ, բարձր կատարելությամբ հայերենով են, հավանաբար, Բեռլինը գրում Բերլին, իսկ Թալեաթը՝ Թալյաթ:

Ահա ԱԺ պատգամավոր Նաիրա Կարապետյանի գրառումը.

«Իսկ մենք Անկախության օրն այսպես ենք տոնում...

ՀՀԿ պատվիրակությունը Բերլինում Հայաստանի Անկախության օրն այցելեց այն վայրը, որտեղ Սողոմոն Թեհլերյանը վրեժխնդիր եղավ: Հենց այս վայրում, որտեղ թափվել էր Թալյաթ փաշայի արյունը, այսօր ծածանվեց մեր եռագույնը»:

Ստորև ներկայացնում ենք Նաիրա Կարապետյանի ստացած կրթության տարեգրությունը՝ տարակուսանք հայտնելով, թե ինչպես պատգամավորուհին կարող է այդպիսի տառասխալներ անել: Ակնհայտ է, որ եթե Բեռլինը ինչ-որ տեղ շփոթմունք կարող է լինել, Թալեաթը երբեք հնարավոր չէ շփոթված գրել Թալյաթ:

«1994 թ. ավարտել է ՀՀ ԳԱԱ կից հատուկ դպրոցի Միջազգային հարաբերություններ և իրավունք բաժինը` ստանալով գերազանցության մեդալ:

1994-1999 թթ. սովորել է ԵՊՀ Արևելագիտության ֆակուլտետի արաբագիտության բաժնում, որն ավարտել է գերազանցությամբ (կարմիր դիպլոմով)՝ ստանալով արևելագետ-դիվանագետի որակավորում:

1999-2002 թ. սովորել է ՀՀ ԳԱԱ Արևելագիտության ինստիտուտի ասպիրանտուրայի բաժնում, մասնակցել մի շարք գիտական համաժողովների:

2004 թ. սեպտեմբերից հանդիսանում է Հարավկովկասյան երիտասարդական թրեյներական ցանցի (SCYTP) քաղաքական կարողությունների զարգացման դասընթացների թրեյներ: PR հմտություններ սովորել է «Իմիջլենդ PR» կազմակերպությունում (Մոսկվա):

2008 թ. նոյեմբերին ճանաչվել է լավագույն շրջանավարտ` Capacity Building inStrategic Decision-Making and Interpersonal Skills Development, CIDA,OSI, GFSIS 3-ամյա դասընթացներին Թբիլիսիում:

Հետևությունները թողնում ենք ընթերցողին: