Արսեն Ջուլֆալակյան բրոնզե մեդալը կվիճարկի Դանիայի ներկայացուցչի հետ

Բուդապեշտում ընթացող հունահռոմեական ոճի ըմբշամարտի առաջնությունում Հայաստանի ներկայացուցիչ Արսեն Ջուլֆալակյանը 74 կգ քաշային կարգում բրոնզի համար պայքարի հնարավորություն ստացավ։

Արսեն Ջուլֆալակյանը 1/8 եզրափակիչում զիջել էր Ռոման Վլասովին, իսկ վերջինս դուրս էր եկել եզրափակիչ, ինչը թույլ տվեց հայ մարզիկին պայքարել երրորդ տեղի համար։

Բրոնզի համար պայքարի առաջին սփոփիչ գոտեմարտում Ջուլֆալակյանը 8:0 հաշվով հաղթեց Պանամայի ներկայացուցչին, երկրորդում էլ պայքարից դուրս թողեց ղըրղզ մարզիկին։

Ջուլֆալակյանը բրոնզը կվիճարկի Դանիայի ներկայացուցչի հետ։