«Միլանը» Բալոտելլիի համար հոգեբան կվարձի

«Միլանը» մտադիր է սպորտային հոգեբան վարձել, ով կհետևի Մարիո Բալոտելլիի էմոցիոնալ վիճակին:

Հոգեբանի պարտականությունների մեջ կմտնի նաև աշխատանքը թիմի երիտասարդ խաղացողների հետ, ովքեր ստրես են ապրում բարձրակարգ խաղերի ժամանակ:

Այդ ֆուտբոլիստների թվում է լինելու, հավանաբար, Ստեֆան Էլ Շարավին. տեղեկացնում է Football Italia-ն:

Հոգեբան հրավիրելու որոշումն իտալական ակումբը կայացրել է այն բանից հետո, երբ Մարիո Բալոտելլին Իտալիայի առաջնության 4-րդ տուրում «Նապոլիի» (1:2) հետ խաղից հետո հեռացվեց խաղադաշտից:

Հիշեցնենք, որ մրցավարի հետ վիճելու համար Բալոտելին կարմիր քարտ ստացավ և որակազրկվեց երեք խաղով: