Այսօր դերասան Գևորգ Չեպչյանի ծննդյան օրն է

Դերասան Գևորգ Չեպչյանը (Ժորա Չեպչյան) ծնվել է 1927թ. սեպտեմբերի 25-ին, Դոնի Ռոստովում:
Նա 1944-48 թթ սովորել է Երևանի նորաբաց թատերական ինստիտուտում` Վարդան Աճեմյանի լսարանում: Այս մասին գրել է avproduction.am–ը: 

1948 թվականից աշխատել է ԵրևանիՊարոնյանի անվան երաժշտական կոմեդիայի թատրոնում` որպես դերասան: 1954 թ., Վ.Աճեմյանի հրավերով, տեղափոխվել է Երևանի Սունդուկյանիանվան ազգային ակադեմիական թատրոն: Խաղացել է բազում դերեր` «Նամուս»` Սեյրան, «Քաոս»` Արշակ, «Բրոուդիի ամրոցը»` Մետ, «Ռոմեո Ջուլետ»` Պարիս, «Ապուշ»` Գանյա, «Կատաղի փողեր»` Գլումով, «Պաղտասար ախպար»` Երկաթ, «Հարսնացուն հյուսիսից»` Երվանդ, «Հանրապետության նախագահը»` Վարժապետ, «Հացավան»` Աղաս, «Ոտքի դատարանն է գալիս»` Լեմբերգ և այլն: Նկարահանվել է «Հայֆիլմ» կինոստուդիայի «01-99», «Նվագախմբի տղաները», «Արշակ», «Ոսկե ցլիկ», «Մոսֆիլմ» կինոստուդիայի «Սաննիկովի երկիրը», «Коней на переправе не меняют», «Լենֆիլմ» կինոստուդիայի «Ոսկե ական», «Սվեռլովֆիլմ» կինոստուդիայի «Դեղ ընդդեմ վախի» և այլ գեղարվեստական կինոնկարներում: Կերտել է բազմում դերեր հեռուստաթատրոնում: 1996 թ. աշխատել է Երևանի Խ.Աբովյանի անվան պետական մանկավաժական համլսարանի կուլտուրայի ֆակուլտետում: Արժանացել է բարձր պարգևների և պրոֆեսորի կոչմանը: Բազում անգամներ ներկայացրել է հայ թատրոնը և մշակույթը արտասահմանյան տարբեր երկրներում: Հեղինակել և տպագրել է երկու գիրք` նվիրված իր ուսուցիչ Վարդան Աճեմյանին` «Արվեստը` բարեկամության կամուրջ» և « Ռեժիսորը` կարոտը սրտում»:

1971 թ. արժանացել է ՀԽՍՀ վաստակավոր արտիստի կոչմանը: