«Մեր հարկայինի տղեքը լիաթոք կայֆեր են անելու. 44.9 միլիոն դրամ և «ուսումնական կենտրոն»-ի համար»

Բոլորովին վերջերս ՀՀ Պետեկամուտների կոմիտեն պայմանագիր է կնքել «ԶԱԱՐՏ» ճարտարապետական արվեստանոցի հետ, որի համաձայն, վերջինս պետք է փոփոխություններ կատարի ՊԵԿ-ին պատկանող «Դիլիջանի ուսումնական կենտրոնի վերակառուցման աշխատանքների նախագծանախահաշվային փաստաթղթերում»:

ԵՎ դրա դիմաց ճարտարապետական արվեստանոցը ՊԵԿ-ից ստանալու է 44.9 միլիոն դրամ կամ մոտ 120 հազար դոլար: Այն, ինչ անելու է ՊԵԿ-ը իր այսպես կոչված «ուսումնական կենտրոնում», ուղղակի մի հսկայական շինարարություն է լինելու: Մոտ երեք տարի առաջ՝ 2010 թ. վերջին ՊԵԿ-ը շուկայական գնից մոտ 7 անգամ էժան գնով ձեռք բերեց Հայաստանի կինեմատոգրաֆիստների միության «Դիլիջանի ստեղծագործական տունը»: Ընդամենը 505 միլիոն դրամ վճարելով ՊԵԿ-ը դարձավ Դիլիջանում 3.5 հեկտար տարածքի սեփականատեր, որի վրա կառուցված էր ավելի քան 8 հազար քառակուսի մետր ընդհանուր մակերեսով շենք: Այն ժամանակ ներկայացվեց, որ ՊԵԿ-ը այդ «ստեղծագործական տունը» իր համար դարձնելու է «ուսումնական կենտրոն»: Մեկ տարի անց 2011թ. դեկտեմբերի 29-ի ՀՀ կառավարության որոշմամբ, ՊԵԿ-ի այդ «ուսումնական կենտրոնին» միացվեց հարակից ավելի քան 22 հեկտար տարածքը: Եվ այսպիսով, ՊԵԿ-ի ուսումնական կենտրոնը հիմա տեղակայված Է Դիլիջանի մոտ 25 հեկտարի վրա: Տպավորությունն այնպիսին է, որ մեր հարկային և մաքսային տեսուչները իրենց «ուսումնառության ընթացքում» զինավարժություններ են իրականացնելու տանկերի, հրետանու և ավիացիայի մասնակցությամբ: Սակայն մեր ձեռքի տակ եղած պայմանագրից ակնհայտ է դառնում, որ այդ տարածքում ոչ թե զինավարժություններ են իրականացվելու, այլ մեր հարկայինի տղեքը լիաթոք կայֆեր են անելու:

Մանրամասները՝ «Հայկական ժամանակ»-ի այսօրվա համարում: