Այսօր դերասան Արման Կոթիկյանի ծննդյան օրն է (տեսանյութ)

«...Կոթիկյան մականունը սիրվելիք ու փայփայվելիք մի գողտրիկ արարածի պատկեր էր ստեղծում երևակայությանս մեջ և ավելի շոյանքի նման մի բան, քան շոշափելի մի ադամորդի: Եվ շատ ուրախացա, երբ զարմացած աչքերիս դիմաց ցցվեց երկար, խիստ երկար մի մարդ, խիստ բարակ կազմվածքով: Խնամքով հագնված այդ կերպարանքի հետևից առանց ճիգի կարելի էր տեսնել Պոնտոսի ափերի հայ բնակչության ինքնատիպ գծագրություն` համառ ու ձեռներեց մարդու անդավաճան արտահայտությամբ»:

Վահրամ Փափազյան

Դերասան, բանաստեղծ, թարգմանիչ Արման Կոթիկյանը ծնվել է 1896 թ. սեպտեմբերի 27-ին (15), Տրապիզոնում։ Նախնական կրթությունը ստացել է բեմում։ Բեմ է բարձրացել 1918 թվականին։ Հենց նույն թվականին էլ անցել է Սուխում և մտել Օվի Սևումյանի թատերախումբ։

1920 - 36 թթ. ապրել է Փարիզում և Բրյուսելում։ 1925-ին ավարտել է Փարիզի համալսարանի իրավաբանական ֆակուլտետը։ Փարիզում խաղացել է հայկական թատերախմբերում։

1936-ին ներգաղթել է Հայաստան և նույն թվականին աշխատանքի անցել Գաբրիել Սունդուկյանի անվան ակադեմիական թատրոնում։

Նրա լավագույն դերերից են. Լաերտ («Համլետ»), Յագո («Օթելլո»), Էլիզբարով («Պատվի համար»), Ֆրանգուլյան («Ավերակների վրա»), Մանուկ աղա(«Մեծապատիվ մուրացկաններ»), Հայրապետ («Ժայռ»)։ Նկարահանվել է նաև մի շարք կինոֆիլմերում, այդ թվում «Տժվժիկում», «Նվագախմբի տղաները»-ում։

Մահացել է 1968 թ. հոկտեմբերի 3-ին, Երևանում։

 «Նվագախմբի տղաները» - Յոհան Շտեռլինգ