2009-ից «Ռեալն» իրացրել է 44 11-մետրանոց

Իսպանիայի առաջնության 6-րդ տուրում «Էլչե» - «Ռեալ» հանդիպմանը դաշտի տերերի դարպասին նշանակված 11 մետրանոց հարվածը շարունակում է մնալ իսպանական մամուլի ուշադրության կենտրոնում:

Sport պարբերականը հետաքրքիր վիճակագրություն է պատաստել: 2009-ից, երբ Ֆլորենտինո Պերեսը կրկին դարձավ «Արքայական ակումբի» նախագահը, «Ռեալի» օգտին 11 մետրանոց հարված նշանակվել է 44 անգամ, այն դեպքում, երբ մադրիդցիների դարպասին 11 մետրանոց հարված նշանակվել  է 10 անգամ:

«Բարսելոնան» նույն ժամանակահատվածում 11 մետրանոց հարված է իրացրել 25 անգամ և ընդունել 15 անգամ:

«Էլչեի» հետ խաղում հաղթական գոլը մադրիդցիները հեղինակեցին հենց 11 մետրանոցից՝ Ռոնալդուի հարվածը հաշիվը դարձրեց 2:1: