Վահան Տերյանի երկրորդ նամակը զոքանչին՝ Ա. Պախալովային

Ձեզ ենք ներկայացնում Վահան Տերյանի երկրորդ նամակը զոքանչին՝ Ա. Պախալովային.

11, 24 փետրվարի, Մոսկվա

Մեծարգո

Ալեքսանդր Նազարովա

Չնայած ես և Սուսաննան որոշել էինք ոչ մի հարսանիք չանել, բայց մեր պսակադրումը առանց հոգսերի ու գլխացավանքի չանցավ: Հարկ եղավ բավականին զբաղվել այդ ամենով և, ահա, միայն այսօր կարողացա մի ազատ և, որ գլխավորն է, հանգիստ րոպե գտնել, որպեսզի մի քանի տող գրեմ Ձեզ: Ի սրտե շնորհակալ եմ Ձեզանից ինձ ուղարկած մատանու համար, իսկ Մարտին Սերգեևիչից և Նազար Սերգևիչից ծանրոցների, հատկապես շամպայնի համար, որով դեռ երեկ հյուրասիրում էինք մեր հարսնահորը հանդերձ ընտանյոք (Կուսիկյանին – Լազարյան ճեմարանի իմ նախկին ուսուցչին և մեր բարեկամին) և իմ մանկության բարեկամին ու ընկերոջը` Ցոլակին, որը եկել է մի քանի օրով և ապրում է մեզ մոտ: Նա մեր խաչեղբայրն էր և իր ողջույնն է հղում Ձեզ: Շնորհակալ եմ նաև բոլոր ձերոնցից շնորհավորանքների և բարեմաղթանքների համար, և հատկապես երիտասարդ «թամադա» Ալեքսանդր Սերգեևիչից և փոքրիկ Ռուբենից ու Արմիկից, որոնք առանձնապես հուզեցին մեզ, որպես ապագա մանկավարժների: Մի խոսքով բոլորին` Ձեզ և Ձեր զավակներին և Ձեր զավակների զավակներին հղում ենք մեր ողջույնը լավագույն ցանկություններով հանդերձ: Տա Աստված Ձեր բոլորին առողջույթուն և երջանկություն:

Ամենայն բարիք: Համբուրում են Ձեր ձեռքը:

Ձեր Վահան Տերյան

Կարդացեք նաև` «Վահան Տերյանի առաջին նամակը զոքանչին` Ա. Պախալովային»

Նյութը` Ք. Ա –ի