Թխկի` Երևանի «Ծածկած» շուկայի տանիքի վրա
Հասարակություն
1965 թվականի գարնանային մի գիշեր սաստիկ քամի բարձրացավ և տեղահան արեց Երևանի կենտրոնական ծածկած շուկայի տանիքի մի մասը:
Առավոտյան երկու արհեստավոր նորոգեցին շուկայի տանիքը և, մոռանալով, այնտեղ թողեցին մի քանի գուղձ հող ու հացենատերև թխկենու մի ոստ: Այն արմատակալեց տանիքի վրա, աճեց ու դարձավ մեծ ծառ, որը շատ գեղեցիկ էր երևում հեռվից` հարևան բարձրահարկ շենքերից նայելիս:
Մի անգամ վերգետնյա «բնակչին» ցույց տվեցին Հովհանես Շիրազին: Իմաստուն բանաստեղծն ասաց.
- Հողն արարիչ աստծու ուժ ունի: Երկնքում էլ ծառ կաճի, եթե մի կտոր հող տանեն այնտեղ:
Հետո մարդիկ իմացան, որ թխկենու արմատները կարող են խարխլել շենքի պատերի վերին մասերի ամրությունը: 1980 թվականին ծառը կտրեցին և ծածկած շուկայի տանիքը զրկվեց իր կանաչ գլխարկից:
Հայկ Խաչատրյան «Սոսյաց անտառներ»
Նյութը` Ք. Ա-ի
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
