Այսօր դերասան Նորայր Գևորգյանի ծննդյան օրն է

Դերասան Նորայր Գևորգյանը ծնվել է 1924 թ. հոկտեմբերի 1-ին, Արտաշատում: Այս մասին գրել է avproduction.am–ը:

1967 թվականից աշխատել է Երևանի Սունդուկյանի անվան ազգային ակադեմիական թատրոնում` որպես դերասան: Մի շարք դերեր է կերտել նաև Երևանի Պարոնյանիանվան երաժշտական կոմեդիայի պետական թատրոնում: Նրա բեմական ուսուցիչներն են եղել թատրոնի ռեժիսորներ Արմեն Գուլակյանը, Վարդան Աճեմյանը: Խաղացել է Վահրամ Փափազյանի, Հրաչյա Ներսիսյանի, Ավետ Ավետիսյանի, Գուրգեն Ջանիբեկյանի, Դավիթ Մալյանի հետ: Բեմական գործունեության 60 տարվա ընթացքում խաղացել է ավելի քան 100 դեր: Խաղացել է` Փանոս` «Իմ զոքանչը», «Կորսված նամակ», «Խելահեղ օր», Բարթեմ` «Շողոքորթըն», Տեր հայր` «Էսպես մինչև երբ», Աթենացի` «Լիսիստրատե», Շուն Փառնակ` «Արդյոք ովքեր են», Տերտեր` «Չարենցի ուղղիչ տունը», Փոստատար` «Ես մի ծառ եմ ծիրանի» և այլն: Նկարահանվել է «Ջրհորի մոտ», «Երևանյան օրերի խրոնիկա», «Խնձորի այգի», «Չախ չախ թագավորը», «Կրակոց սահմանին», «Անավարտ ղարաբաղյան օրագիր», «Մեր բակը» և այլ ֆիլմերում: Արժանացել է ՀԽՍՀ կուլտուրայի արհմիության Համլկեմ կենտկոմի պատվոգրերի, «Կովկասի պաշտպանության համար» մեդալի (1944թ.), «Հայրենական պատերազմի 40-ամյակի» մեդալի (1985թ.) և «Հայրենական պատերազմի 2-րդ աստիճանի» շքանշանի (1985թ.):

1984թ. արժանացել է ՀԽՍՀ վաստակավոր արտիստի կոչմանը: