Ջուսն այսպիսի բան դեռևս չէր արել (տեսահոլովակ)

Երգչուհի Ջուսը նոր տեսահոլովակ է նկարահանել` «1, Two, 3» անվանումով: Այն արդեն հասանելի է երգչուհու Youtube-ի էջում: Երգի հեղինակը հենց Ջուսն է:  Lurer.com-ի թղթակցի հետ զրույցում, խոսելով իր նոր տեսահոլովակի մասին, նա ասաց.

«Գաղափարն իմ մտքում երկար ժամանակ է եղել: Ուզում էի անել մի բան, որը ոչ ոք Հայաստանում դեռևս չէր արել: Ի վերջո, «փանկ» ոճում տեսահոլովակ նկարահանելու որոշում կայացրեցի` բոլորովին տարբերվող նոր բան: Այդ քայլին գնացի, որովհետև «փանկ» ոճն ինձ շատ հարազատ է: «Փանկ»` նշանակում է ազատություն` հոգու ազատություն, երբ ոչ ոք քեզ չի կարող ասել, թե դու ինչ անես: Իսկ քանի որ իմ յուրաքանչյուր քայլը որոշում եմ ես ինքս, կարծում եմ, որ այդ ոճն ինձ համար է ստեղծված»:

Տեսահոլովակի ռեժիսորը Արմեն Պիրի Մասիհին է, օպերատորը` Ռոբ Մկրտչյանը, երգի և խոսքերի հեղինակը Ջուսն է, գործիքավորումը արել է Արմեն Ավետիսյանը: 

Տեսահոլովակը «Փանկ» ոճում առաջինն է Հայաստանում: