20 «դեմ» քվեաթերթիկ հանձնաժողովին հաջողվել է «վերածել» «կողմի»
Հայկական Մամուլ
ՀՀ ԱԺ-ում գլխավոր դատախազի ընտրությունից հետո հաշվիչ հանձնաժողովին հաջողվել է մոտ 20 «դեմ» քվեաթերթիկ «վերածել» «կողմի». «Ժողովուրդ»-ի տեղեկություններով՝ գործին խառնվել է նաեւ ԱԺ նախագահը: Հաշվիչ հանձնաժողովի քարտուղար, ԱԺ ՀԱԿ խմբակցության անդամ Լյուդմիլա Սարգսյանը «Ժողովուրդ»-ի հետ զրույցում ասաց.
«Փաստորեն, ես միակն եմ եղել այնտեղ, որի խմբակցությունը դեմ է եղել Կոստանյանի թեկնածությանը, եւ հիմա, երբ վերլուծում եմ, չեմ բացառում, որ 6 հոգով կարողացել են ինչ-որ ձեւով «դեմ» քվեաթերթիկները սկզբում թաքցնել, հետո մտցնել «կողմերի» մեջ»:
Մեր լավատեղյակ աղբյուրները փոխանցում են նաեւ, որ հաշվարկի կեսից մասնակից է եղել նաեւ ԱԺ նախագահ Հովիկ Աբրահամյանը, որը շատ անհանգիստ է եղել արդյունքների համար ու ամեն կերպ փորձել բացառիկ հաղթանակ շնորհել Գեւորգ Կոստանյանին: Սակայն ԱԺ հասարակայնության հետ կապերի եւ լրատվության վարչության պետ Գոհար Պողոսյանը «Ժողովուրդ»-ի հետ զրույցում ասաց, թե Հ. Աբրահամյանը ներկա չի եղել հաշվարկին, ուղղակի նա այդ կողմով իր սենյակ է գնացել:
Մանրամասները` «Ժողովուրդ»-ի այսօրվա համարում:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
