Մ.թ.ա. 68 թ. այս օրը տեղի ունեցավ Տիգրանակերտի ճակատամարտը` Հին Հռոմի և Տիգրան Բ Մեծի կայսրության միջև

Մ.թ.ա. 68 թ. հոկտեմբերի 6-ին, հռոմեական և հայկական զորքերի միջև` Հայաստանի մայրաքաղաք Տիգրանակերի մոտ տեղի է ունեցել Տիգրանակերտի ճակատամարտը։ Պոնտոսում հռոմեական տիրապետությունը տապալելու և իր դաշնակից Միհրդատ VI Եվպատորին գահին վերականգնելու նպատակով, Հայոց թագավոր Տիգրան Բ Մեծը նախապատրաստվել է երկու ուղղությամբ մտնել Ասիա հռոմեական մարզը և վճռական ճակատամարտ տալ Եփեսոսի մոտ։ Սակայն, կանխելով Տիգրան Բ Մեծի հարձակումը, մ.թ.ա. 69-ի գարնանը հռոմեական 40 հազարանոց բանակը`Լուկուլլոսիհրամանատարությամբ, Կապադովկիայի վրայով ներխուժել է Հայաստան և պաշարել է Տիգրանակերտը։ Տիգրան Բ Մեծը սեպտեմբերի վերջին Տավրեսի իր ռազմակայանում ավարտել է զինվորական ուժերի համախմբումը և ընդառաջ ելել թշնամուն։ Հայկական բանակի համար բարենպաստ չէին տեղանքի առաձնահատկությունները։ Մարտը սկսվել է առաջ քաշված հայկական զրահարկի հեծելազորի վրա հռոմեական հեծյալ ուժերի գրոհով։ Միաժամանակ Լուկուլլոսը 3 լեգեոնով խոր շրջանցումով դուրս է եկել Հայոց բանակի թիկունքը և անսպասելի հարվածել դեռևս մարտակարգ չընդունած հետևակին` նրան մատնելով փախուստի։ Հայոց բանակը պարտություն է կրել, Տրգրանակերտը նվաճվել և կողոպտվել է, Տիգրան Բ Մեծի Միջերկրածովյան տիրությունը` Ասորիք, Փյունիկիա, Կիլիկիա, անցել են Հռոմին։ Չնայած հաղթանակին, ճակատամարտը չի կանխորոշել պատերազմի ելքը. Արածանիի ճակատամարտ մ.թ.ա. 68-ում Լուկուլլոսի բանակը պարտություն է կրել և նահանջել Հայաստանից։