«Հայկական շախմատը բոլոր երկրներին օրինակ է ծառայում». Արշակ Պետրոսյան

Այս տարվա նոյեմբերի 7-18-ը Լեհաստանի մայրաքաղաք Վարշավայում ընթանալու է Եվրոպայի, եւ նոյեմբերի 24-ից դեկտեմբերի 6-ը Թուրքիայի Անթալիայում, աշխարհի թիմային առաջնությունները: Տղաների մարզավիճակի մասին «Շախմատային Հայաստանը» զրուցեց մարզիչ Արշակ Պետրոսյանի հետ:

- Ինչպե՞ս կգնահատեք մթնոլորտը հավաքականում: Չեմպիոններն ի՞նչ մարզավիճակում են:

- Մթնոլորտը նորմալ է: Միշտ ասում եմ, որ մեր հավաքականը շարժվում է ՙմեկը բոլորի համար, բոլորը' մեկի՚ սկզբունքով: Մեր թիմն արդեն նոր չէ, միակ նորությունը երկու տարի առաջ Սերգեյ Մովսիսյանի մուտքն էր հավաքական, բայց նա միանգամից ներգրավվեց թիմի մեջ: Հավաքականում կես խոսքից էլ կարող ենք իրար հասկանալ: Ճիշտ է, շախմատում միայն լավ մթնոլորտը ոչինչ չի կարող ապահովվել, բայց լավ վերաբերմունքը միմյանց նկատմամբ շատ կարեւոր է ամեն դեպքում: Կարծում եմ' հենց այդ մթնոլորտի շնորհիվ է, որ ըստ վարկանիշի մեր հավաքականը թեեւ աշխարհի լավագույն թիմերի առաջին եռյակի մեջ չի մտնում, բայց օլիմպիադայի ու աշխարհի չեմպիոն է: Տղաների մարզավիճակը նորմալ է:

- Ո՞ր երկրների հավաքականներին եք տեսնում որպես մեր տղաների գլխավոր մրցակիցներ:

- Ցանկացած մրցաշարում մեր հիմնական մրցակիցը Ռուսաստանի թիմն է: Ուժեղ են նաեւ Ուկրաինան, Չինաստանը, ԱՄՆ-ը, Ադրբեջանը, Ֆրանսիան, Հունգարիան... Ուժեղ թիմեր շատ կան: Քանի որ ես հիմա, կարելի է ասել, որ երկու երկրում եմ ապրում' Հայաստանում եւ Հունգարիայում, կարող եմ հստակ զգալ շախմատային մակարդակների տարբերությունները: Հունգարիան շախմատային երկիր է' միայն Հուդիթ Պոլգարն ամեն ինչ արժե: Նրա պես կին շախմատիստ չի եղել եւ երեւի չի էլ լինի: Սակայն ե’ւ թիմային արդյունքներով, ե’ւ պատրաստությամբ շատ ավելի առաջ ենք Հունգարիայից: Հայկական շախմատն այսօր բոլոր երկրներին օրինակ է ծառայում: Հայաստանում ամեն ինչ արվում է հանուն շախմատի բարգավաճման, ինչի համար շնորհակալ ենք երկրի Նախագահին: Շախմատը դպրոցներում պարտադիր առարկա է դարձել, ինչը ոչ միայն երեխաների տրամաբանությունն է զարգացնում: Միաժամանակ քանակը որակ է տալիս:

Շարունակությունը կարող եք կարդալ այստեղ: