Հենրիխ Մխիթարյանը պարզաբանեց, թե ում ի նկատի ուներ` «Փակեցինք բերանները» ասելով

Հենրիխ Մխիթարյանը պատասխանելով լրագրողների հարցերին, ասաց հետևյալը.

- Առջևում դեռ երկու հանդիպում ունենք և լրջորեն պետք է մոտենանք այդ հանդիպումներին ու ամեն ինչ անենք հաջող ելույթ ունենալու համար:

- Վրեժնդրության ցանկություն կա՞ Սոֆիայում տեղի ունեցած խաղի համար:

- Դա արդեն երկրորդական հարց է: Դա պատմություն է, և եղել է արդեն: Ոչինչ չես կարող փոխել: Կարևորը լավ պատրաստվելն և հաղթելն է:

- Բացակայելու են առանցքային խաղացողներ: Ի՞նչ կասես այդ մասին:

- Այս ցիկլի գրեթե բոլոր խաղերում էլ կորուստներով ենք խաղացել: Ունենք մարզիչ, որը կլուծի այդ հարցը, մենք էլ կփորձենք օգնել այն ֆուտբոլիստներին, ովքեր կլինեն խաղադաշտում:

- Ավագը դու՞ք եք լինելու, թե՞ Բերեզովսկին:

- Բերեզովսկուն հանե՞լ եք արդեն: Չգիտեմ` արդյո՞ք Բերեզովսկին կխաղա կամ չի խաղա, ես կխաղամ կամ չեմ խաղա: Դա էական չէ, կարևոր է, որ թիմը պատրաստ լինի:

- Չեխիայի դեմ խաղից հետո ասել էիր, որ ստիպեցիք լռել: Ու՞մ  ի նկատի ունեիք:

- Շատ մարդկանց, ովքեր կարծում էին, որ հավաքականն անկում է ապրել, և հաղթանակները պատահական են եղել: Կարծում եմ, որ նման բան ասելու իրավունք չունեն, քանի որ մենք ազգ ենք ներկայացնում և փորձում ենք ամեն ինչ անենլ: Մենք խաղում ենք ոչ թե մեր անվան համար, այլ խաղում ենք այն մարդկանց համար, ովքեր ապրում են Հայաստանում, ծնվել են Հայաստանում և ներկայացնում են Հայաստանը, այն մարդկանց համար, ովքեր ցավում են հավաքականի համար:

- Բուլղարիայից ու՞մ կառանձանցնես:

- Ոչ մեկին: Շատ լավ թիմ է, բայց ավելի շատ ուզում եմ կենտրոնանալ մեր խաղի վրա:

- Առաջին համարո՞վ ենք խաղալու:

- Դա ավելի ներքին խոհանոցային հարց է, դեռ երեք օր ունենք և կկարողանանք հասկանալ, թե ինչպես ենք խաղալու:

- Ո՞ր խաղն է ավելի կարևոր:

- Չեմ կարող ասել, բայց եթե երեք միավոր վաստակենք Բուլղարիայից, ապա Իտալիայի դեմ խաղն ավելի կարևոր լինի: Եթե լավ խաղանք, լավ մարզավիճակում կներկայանանք:

- Ի՞նչ մարզավիճակում ես:

- Մարզիչն ավելի լավ կպատասխանի, բայց ես փորձում եմ ամեն ժամ բարելավել մարզավիճակս:

totalfootball.am