ԱՄՆ-ն շրջանառության է հանձնել նոր 100 դոլարանոց թղթադրամը

Այսօր` հոկտեմբերի 8-ին, ԱՄՆ-ի դաշնային պահեստային ծառայությունը շրջանառության մեջ է դրել նոր 100 դոլարանոց թղթադրամը, որը հագեցած է կեղծումներից լրացուցիչ պաշտպանող հատկություններով, ինչպես օրինակ` եռաչափ կապույտ ժապավենը, որը ներհյուսված է թղթի հետ և ոչ թե տպագրված է թղթադրամի վրա: Թղթադրամը շրջելիս նրա վրա պատկերված զանգերը վերածվում են 100 թվանշանի:

Թղթադրամի վրա հայտնվել են նաև լրացուցիչ ջրային նշաններ և միկրոկնիք: Թղթադրամի վրա պատկերված նկարներն անկյան տակ թեքելիս փոխում են իրենց գույնը: