Ինչպիսի՞ն կլինեն աշխատավարձերն 2014-ի հուլիսի 1-ից (լուսանկար)

Ինչպիսի՞ն կլինեն աշխատավարձերն 2014-ի հուլիսի 1-ից

Քաղծառայողների, ապա նաեւ երկրի ղեկավարների եւ բարձրաստիճան այլ պաշտոնյաների աշխատավարձերի նոր սանդղակներին, որոնք ուժի մեջ են մտնելու եկող տարվա հուլիսից, անդրադարձանք մեր նախորդ հրապարակումներում («Ի՞նչ աշխատավարձեր կստանան քաղծառայողները 2014-ի հուլիսի 1-ից», «Ազգ», 4.10.2013 թ. եւ «Հայաստանի բարձրագույն ղեկավարների աշխատավարձերի չափերը 2014-ի հուլիսի 1-ից», «Ազգ», 7.10.2013 թ.): Այս անգամ ներկայացնում ենք բարձրաստիճան պաշտոնատար անձ չհանդիսացող, հայեցողական եւ քաղաքացիական պաշտոններ զբաղեցնող անձանց նոր աշխատավարձերի սանդղակը, որը եւս ուժի մեջ կմտնի եկող տարվա հուլիսի 1-ից: Այս սանդղակը վերաբերում է բարձրաստիճան պաշտոնյաների' նախագահի, ԱԺ նախագահի, վարչապետի, նախարարների, մարզպետների խորհրդականներին, օգնականներին, ռեֆերենտներին, մամուլի քարտուղարներին, գործավարներին, ինչպես նաեւ դատախազության, հատուկ քննչական ծառայության, օրենքով գործող մշտական մարմինների, ԾԻԳ-երի ղեկավարներին եւ աշխատողներին:

Հիշեցնենք, որ այս դեպքում եւս, գործակիցները կիրառվելու են նվազագույն աշխատավարձի' 66 հազար դրամի (ներառյալ եկամտային հարկը) նկատմամբ: Այսինքն, տվյալ պաշտոնատարի աշխատավարձը սահմանվելու է այդ գումարը' 66 հազար դրամը, բազմապատկելով աղյուսակի մեջ նշված գործակցով: Ստացվում է այսպես կոչված «կեղտոտ» աշխատավարձի չափը, որը ներառում է եկամտային հարկը: Այսպես կոչված «մաքուր» աշխատավարձը կլինի այդ գումարից հանած եկամտային հարկի գումարը:

Մի օրինակ' նախարարի մամուլի քարտուղարի աշխատավարձի գործակիցը նշված է 4.50: Ինչը նշանակում է, որ 66 հազար դրամը պետք է բազմապատկել 4.50 եւ ստանալ նախարարի մամուլի քարտուղարի «կեղտոտ» աշխատավարձի չափը' 297 հազար դրամ, որը կսկսի գործել 2014-ի հուլիսի 1-ից: Իրական կամ «մաքուր» կոչվող աշխատավարձը կկազմի մոտ 210-220 հազար դրամ: Այլ պաշտոնների մանրամասներին կարելի է ծանոթանալ բերված աղյուսակից.