«Եթե որևէ մեկը կարծում է, որ օդանավակայանում մեզ այսօրվա ընդունելությամբ վախեցրեց, ապա սխալվում է». Լյուբոսլավ Պենև

2014թ. աշխարհի առաջնության ընտրական փուլի Հայաստան-Բուլղարիա խաղից առաջ այսօր՝ հոկտեմբերի 10-ին, տեղի ունեցավ Բուլղարիայի հավաքականի մարզիչ Լյուբոսլավ Պենևի մամուլի ասուլիսը:

- Որքանո՞վ եք պատրաստ վաղվա խաղին, և ինչպիսին է տրամադրվածությունը երկրպագուների այսօրվա ընդունելությունից հետո:

- Բնականաբար, պատրատ ենք ոչ միայն այս խաղին, այլև Չեխիայի հավաքականի դեմ հանդիպմանը: Մեկ-երկու խաղացող թեթև վնասվածքներ ունի, բայց ընդհանուր առմամբ մենք լիովին պատրաստ ենք: Եթե որևէ մեկը մտածում է, որ մեզ վախեցրեց օդանավակայանում այսօրվա ընդունելությամբ, ապա սխալվում է:

- Իսկ Սոֆիայում ձեր երկրպագուների պահվածքն ինչպե՞ս կմեկնաբանեք:

- Մեկնաբանություն չեմ ուզում տալ Սոֆիայում տեղի ունեցածի վերաբերյալ, շատ կառույցներ կան, որ այդ հարցով զբաղվում են, իմ գործը ֆուտբոլի մասին խոսելն է:

- Եթե կան կառույցներ, որոնք զբաղվում են երկրպագուների կարգապահությամբ, ապա ֆուտբոլիստների հարցով պետք է մարզիչը զբաղվի: Իսկ Սոֆիայում մենք տեսանք կեղտոտ ֆուտբոլ և սադրանք, որոնք հրահրվում էին հենց ձեր ֆուտբոլիստների կողմից:

- Ես չեմ ցանկանում խորանալ մանրամասների մեջ, նախորդ խաղն իսկական պայքար էր խաղադաշտում, և ես չեմ կարող ասել, որ միայն իմ ֆուտբոլիստներն էին, որ ինչ-որ բաներ էին հրահրում:

- Այսինքն` արդյու՞նքն է կարևոր և ոչ թե այն, ինչ կատարվում է խաղադաշտում:

- Նախորդ խաղում մեզ մոտ երևի ավելի մեծ էր հաղթելու ցանկությունը, այդ պատճառով էլ մենք հաղթեցինք, բայց նախորդ խաղին այլևս չեմ ցանկանում անդրադառնալ:

- Ձեր դարպապահը մեր հավաքականը համեմատեց Մալթայի հավաքականի հետ: Չե՞ք կարծում, որ ձեր հավաքականի՝ երկրորդ հորիզոնականում հայտնվելը մեր հավաքականի արտագնա հիանալի հաղթանակների արդյունքն է:

- Իրոք մեր խմբի որոշ արդյունքներ շատ անսպասելի էին և հետաքրքիր, բայց վերջիվերջո դու ունեք ձեր միավորները, իսկ մենք՝ մերը: Ամեն թիմ ունի այնքան միավոր, որքանի որ արժանի է:

- Իսկ չե՞ք կարծում, որ հենց մենք էլ կարող ենք խանգարել ձեզ՝ մրցաշրջանը երկրորդ հորիզոնականով ավարտելու համար:

- Լավ բան չէ կանխատեսումներ անելը, մենք այստեղ ենք միայն հաղթանակի համար:

- Չե՞ք կարծում, որ Իտալիան արդեն իր խնդիրները լուծել է և կարող է ամբողջովին չօգտագործել իր ներուժը:

- Մենք չենք կարող վստահ ասել՝ նրանք կխաղան 100 տոկոսով, թե օրինակ 45 տոկոսով: Բայց այսպիսի միջազգային մրցաշարերում բացի միավորներից, կարևոր է նաև թիմի հեղինակությունը և Իտալիան այն թիմը չէ, որ պետք է պարտվի Դանիային:

- Եթե հետևել եք Հայաստանի Ազգային հավաքականի խաղերին, ու՞մ կառանձնացնեք մեր հավաքականում:

- Իմ կարծիքով Հայաստանի հաավքականը շատ լավ բալանսավորված թիմ է, ունի 4-5 լավ ֆուտբոլիստ, չեմ կարող առաձնացնել որևէ մեկին, միայն կարող եմ ասել, որ նրանք կարող են լավ ֆուտբոլ խաղալ:

totalfootball.am