Մորատին վաճառեց «Ինտերը»
Սպորտ
Միլանի «Ինտերի» նախագահ Մասիմո Մորատին պաշտոնապես հաստատեց, որ ակումբը վաճառվել է ինդոնեզացի բիզնեսմեն Էրիկ Տոհիրին:
«Ամեն ինչ արդեն ստորագրված է: Մի քանի ժամ անց կլինի նաև պաշտոնական մամլո հաղորդագրությունը: Ես շատ եմ սիրում ակումբը, սակայն միևնույն ժամանակ թեթևություն եմ, զգում քանի որ ակումբը հանձնում եմ հարգելի և վստահելի մարդկանց: Չգիտեմ` կշարունակեմ արդյոք մնալ ակումբի նախագահը, չնայած ամեն ինչ ինձանից է կախված: Այժմ պետք է հարմարվեմ կյանքի նոր ռիթմին»,-Մորատիի խոսքերը մեջբերում է Football Italia-ն:
Իտալական ակումբի նախագահը վաճառել է ակումբի բաժնետոմսերի 70%-ը, ինչի արդյունքում կվաստակի 250-300 մլն եվրո:
Մորատին «Ինտերը» գլխավորում է 1995-ից: Նրա ղեկավարման ժամանակաշրջանում միլանյան ակումբը նվաճել է 16 տիտղոս՝ 5 անգամ դարձել է Իտալիայի չեմպիոն, 4-ական անգամ նվաճել է Իտալիայի գավաթը և սուպերգավաթը, մեկական անգամ էլ հաղթել է Չեմպիոնների լիգայում, ՈւԵՖԱ-ի գավաթի խաղարկությունում և աշխարհի ակումբային առաջնությունում:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
