Հայաստանի հավաքականը ավարտեց պայքարը (տեսանյութ)

Հայաստանի ազգային հավաքականը ավարտեց իր ելույթները աշխարհի 2014 թ.-ի առաջնության ընտրական փուլում: Վերջին տուրում մեր ազգային ընտրանին Նեապոլի «Սան Պաոլո» մարզադաշտում հյուրընկալվեց Իտալիայի հավաքականին:

Հանդիպումն ավարտվեց 2:2 հաշվով:

Առաջին խաղակեսը ակտիվ ստացվեց, սակայն երկուստեք գրոհները արդյունավետ եղան միայն երկու անգամ: Նախ 5-րդ րոպեին Յուրա Մովսիսյանը առաջ մղեց մեր թիմին, ապա 25-րդ րոպեին դաշտի տերերին հաջողվեց գրավել Բերեզովսկու պաշտպանած դարպասը: Պատասխան գոլի հեղինակ դարձավ Ալեսանդրո Ֆլորենցին:

Երկրորդ խաղակեսում թիմերը կրկին կարողացան մեկական գոլի հեղինակ դառնալ. 70-րդ րոպեին Հենրիկ Մխիթարյանը հեղինակեց իր 12-րդ գոլը հավաքականի կազմում: Սակայն այս անգամ էլ մեր ընտրանին չկարողացավ պահպանել հաղթական հաշիվը. փոխարինման դուրս եկած Մարիո Բալոտելլին 76-րդ րոպեին հաշիվը դարձրեց 2:2: Իտալացիների հետ խաղում մեր հավաքականը ցուցադրեց հավասար պայքար: Սակայն, ցավոք, Վարդան Մինասյանի սաները այսքանով ավարտեցին իրենց ելույթները աշխարհի առաջնության ընտրական փուլում՝ չստանալով պայքարը շարունակելու հնարավորություն:

B-խմբում մրցաշարային աղյուսակի վերջնական տեսքը այսպիսին է.

1. Իտալիա — 22 միավոր

2. Դանիա — 16

3. Չեխիա — 15

4.Բուլղարիա— 13 

5. Հայաստան — 13

6. Մալթա— 3

Արդյունքում B խմբում պայքարը կշարունակի միայն Իտալիայի հավաքականը