Ազգությամբ հայ երգչուհին` աշխարհի համար առաջին դրամատիկ սոպրանո (տեսանյութ)

Հանրահայտ օպերային երգչուհի Մարիա Գուլեգինան աշխարհում հայտնի է ազգությամբ որպես ռուս-ուկրաինացի, սակայն նա հորական կողմից հայուհի է, իսկական ազգանունը՝ - Մեյթարջյան:

Ծնվել է 1959 թվականին, պորֆեսիոնալ օպերային կարիերան սկսել է 1983-ին՝ դառնալով Բելոռուսի պետական օպերային թատրոնի մեներգչուհի։ Հաջորդ տարի՝ 1984-ին, Մարիան արժանացել է առաջին մրցանակի Գլինկայի անվան մրցույթում: Հետագայում կարիերայի աստիճանը տաղանդի և աշխատասիրության շնորհիվ հեշտությամբ բարձրանալով արժանացել է բազմաթիվ միջազգային մրցանակների, հիացմունքի խոսքերի:

1987-ից հանդես է եկել Եվրոպայի և ԱՄՆ առաջատար օպերային թատրոններում՝ Լա Սկալա, Կովենտ գարդեն, Մետրոպոլիտեն օպերա, Մյունխեն, Ցյուրիխ, Վիեննայի օպերային թատրոններում և այլուր՝ կատարելով գլխավոր դերերգերը Վերդիի, Պուչչինիի և այլ կոմպոզիտորների ստեղծագործություններում։ Երկար տարիներ Լա Սկալայի թատերաշրջանը բացել են Մարիան և հանրահայտ Լուչիանո Պավարոտին: Ներկայումս երգչուհուն որակում են որպես աշխարհի համար առաջին դրամատիկ սոպարանո: Երգչուհու ամուսինը ազգությամբ հայ է, ունի երկու երեխա:

emporium.am