Պրահայում ընտրությունների նախաշեմին հսկայական միջնամատի արձան է հայտնվել

Չեխիայի մայրաքաղաք Պրահայում խորհրդարանական ընտրությունների նախաշեմին 10 մետր բարձրությամբ հսկայական միջնամատ ցույց տվող ձեռքի արձան է հայնվել Վլտավա գետի ափին: 

Հիշեցնենք, որ օգոստոսի 20-ին պատգամավորների պալատը քվեարկեց ինքնալուծարման օգտին: Չեխ նախագահ Միլոշ Զեմանը արտահերթ խորհրդարանական ընտրությունների օր էր նշանակել հոկտեմբերի 25-26-ը: 

Արձանի հեղինակը սկանդալային հայտնի Դավիդ Չերնին է, ով հռչակավոր էր դարձել այն բանից հետո, երբ 1991-ին վարդագույն էր ներկել ֆաշիստական Գերմանիայի զորքերից Պրահան ազատագրելու հիշատակին կառուցված խորհրդային տանկը: