Հրանուշ Հակոբյանը` Ֆրանսիայում

Հոկտեմբերի 20-ին ՀՀ սփյուռքի նախարար Հրանուշ Հակոբյանը մասնակցեց Ֆրանսիայի Դեսին քաղաքի Հայկական հիշողության ազգային կենտրոնի բացման արարողությանը:

Միջոցառմանը մասնակցում էր Ֆրանսիայի Հանրապետության Նախագահ պարոն Ֆրանսուա Օլանդի ներկայացուցչ՝ Մշակույթի և հաղորդակցության նախարար տիկին Օրելի Ֆիլիպետտին:

Ողջույնի խոսքով հանդես Եկավ ՀՀ սփյուռքի նախարար Հրանուշ Հակոբյանը:

Միջոցառմանը հրավիրած են հյուրեր ինչպես Ֆրանսիայի, այնպես էլ այլ երկրների հայ համայնքներից: Միջոցառման ընթացքում ելույթ-դասախոսություններով հանդես եկան հայ և ֆրանսիացի գիտնականներ և մշակությաին գործիչներ:

Միջոցառումը շարունակվեց Դեսինի Ս. Աստվածածին եկեղեցում՝ Լիոնի ազգային նվագախմբի մասնակցությամբ:

Հայկական հիշողության ազգային կենտրոնի ստեղծմանը իրենց աջակցությունն են ցուցաբերել ոչ միայն Բուլլուկյան հիմնադրամը, այլև Լիոնի և Դեսինի տեղական ինքնակառավարման մարմինները՝ Մեծ Լիոնը, Ռոն-Ալպի շրջանը, Ռոնի ընդհանուր խորհուրդը, Դեսինի և Մեզիոյի քաղաքապետարանները:

Ինստիտուտը գործելու է որպես փաստավավերագրական կենտրոն, որտեղ պահվելու է 110 000 փաստաթուղթ և 12 000 գիրք: Պահպանվելու և ապագա սերունդներին են փոխանցվելու հայկական պատմությանն առնչվող նյութեր, ինչպես նաև Ֆրանսիայում և եվրոպական այլ երկրներում ապրող ու արարող հայ մշակութային գործիչների ստեղծագործությունները: Կենտրոնի մյուս կարևոր նպատակն է՝ ֆրանսահայերի ազգային ինքնության պահպանումը, Ցեղասպանության և դրա հետևանքների վերացման ուղղությամբ տարվող հետազոտությունների իրականացումը, ինչպես նաև ֆրանս-հայկական միջմշակութային կապերի զարգացումը և կենտրոնի միջոցով հայկական ժառանգության վերականգնումն ու հարստացումը:

Հայկական հիշողության ազգային կենտրոնի նախագահն է Ժյուլ Մարտիրոսյանը, տնօրենը՝ Կատիա Բուդոյանը: