Եթե վարչապետը ցանկանում է կարգավորել որեւէ ոլորտ, ապա պետք է պարզապես հեռու մնա այդ ոլորտից

Կառավարության սեպտեմբերի 26-ի նիստում ՀՀ վարչապետ Տիգրան Սարգսյանը ուշադրություն էր հրավիրել շինարարության ոլորտում ծավալների անկմանը՝ ասելով, թե կառավարությունը մշակել է այդ ոլորտի խթանման ծրագրեր: Նա նույնիսկ երեք կետ էր առանձնացրել ու հնչեցրել: Վարչապետի հայտարարությունից մեկ ամիս անց, սակայն, պետք է փաստենք, որ այդ ոլորտում եթե խթանում եղել է, ապա խթանվել է անկումը, եւ այդ մասին է խոսում պաշտոնական վիճակագրությունը:

Դատե՛ք ինքներդ. ՀՀ ազգային վիճակագրական ծառայության տվյալների համաձայն՝ 2013թ. հունվար-օգոստոսին շինարարության ոլորտում անկումը կազմել է 8.5 տոկոս, իսկ ահա հունվար-սեպտեմբեր ամիսներին անկումը հասել է 9.2 տոկոսի: Փաստորեն, եթե վարչապետը ցանկանում է կարգավորել որեւէ ոլորտ, ապա ճանապարհը մեկն է՝ նա պետք է պարզապես հեռու մնա այդ ոլորտից, այլապես արդյունքը միշտ հակառակն է լինում:

Մանրամասները` «Ժողովուրդ»-ի այսօրվա համարում: