Փոստանջյանը կմնա՞ ԵԽԽՎ հայաստանյան պատվիրակության կազմում. Հովիկ Աբրահամյանը ստորագրել է...

Ինչպես փոխանցում են «Ժողովուրդ»-ի լավատեղյակ աղբյուրները, ԱԺ նախագահ Հովիկ Աբրահամյանը երեկ ստորագրել է միջազգային խորհրդարանական կազմակերպություններում հայկական պատվիրակությունների կազմավորման կարգը: Հիշեցնենք, որ նա առավոտյան խորհրդակցություն էր անցկացրել ԱԺ խմբակցությունների ղեկավարների մասնակցությամբ ու ներկայացրել կազմավորման կարգի նախագիծը, ԱԺ խմբակցությունների ղեկավարներն էլ Աբրահամյանին ներկայացրել էին իրենց առաջարկները: Թե կոնկրետ ինչ տարբերակի վրա է Աբրահամյանը «կանգ առել», ճշտել չհաջողվեց: ԱԺ տեղեկատվության եւ հասարակայնության հետ կապերի վարչության պետ Գոհար Պողոսյանը «Ժողովուրդ»-ի հետ զրույցում հաստատեց պատվիրակությունների կազմավորման կարգը ստորագրելու մասին լուրը եւ ասաց, որ այն առավոտյան տեղադրված կլինի ԱԺ կայքում:

Այս փաստաթուղթն ուշագրավ է Զարուհի Փոստանջյանին ԵԽԽՎ հայաստանյան պատվիրակության կազմում ընդգրկել-չընդգրկելու ֆոնին:

Մանրամասները` «Ժողովուրդ»-ի այսօրվա համարում: