«Ռոբենը 11 մետրանոցը չիրացրեց, քանի որ դեռ բարկացած է». Ռիբերի

Մյունխենի «Բավարիայի» ֆուտբոլիստ Ֆրանկ Ռիբերին նշել է, թե ինչու Արյեն Ռոբենը հրաժարվեց խփել Չեմպիոնների լիգայի խմբային փուլում «Վիկտորիայի» (5:0) հետ հանդիպմանը նշանակված 11 մետրանոց հարվածը:

«Թիմը ցանկանում էր, որպեսզի նա խփեր, սակայն Արյենը մի փոքր բարկացած էր շաբաթ օրը տեղի ունեցած միջադեպից»,–ֆուտբոլիստի խոսքերը մեջբերում է Sky Sport-ը։

Հիշեցնենք, որ «Մայնցի» հետ հանդիպմանը 3:1 հաշվի ժամանակ մրցավարը 11 մետրանոց հարված էր նշանակել, սակայն Գվարդիոլան թույլ չր տվել Ռոբենին իրացնել հարվածը: