Միջազգային եռակողմ համագործակցություն

Հոկտեմբերի 22-ին Արտակարգ իրավիճակների նախարարությունում տեղի ունեցավ սեմինար, որը կազմակերպել էր ԱԻՆ «Սեյսմիկ պաշտպանության ծառայություն» գործակալությունը:

Սեմինարին մասնակցեցին ՀՀ ԱԻՆ Սեյսմիկ պաշտպանության ծառայության փորձառու և երիտասարդ մասնագետներ, ինչպես նաև արտերկրից փորձի փոխանակման նպատակով Հայաստան ժամանած հյուրեր. Բուլղարիայի ԳԱ Տիեզերական հետազոտությունների և տեխնոլոգիաների ինստիտուտից՝ բաժնի վարիչ, պրոֆ. Կատյա Գեորգիևան, դ-ր Բոյան Կիրովը և դ-ր Սեմյոն Ասենովսկին, և Լեհաստանի ԳԱ Երկրաֆիզիկայի ինստիտուտից՝ տնօրեն, պրոֆ.Պավել Ռովինսկին և Սեյսմոլոգիայի ու Երկրի ֆիզիկայի դեպարտամենտի վարիչ պրոֆ. Ստանիսլավ Լասոցկին:

Սեմինարի ընթացքում ներկայացվեցին մի շարք զեկույցներ, այդ թվում` «Արեգակի ակտիվության և երկրաշարժերի միջև կապը» Կ.Գեորգիևա, «Լեհաստանի ԳԱ Երկրաֆիզիկայի ինստիտուտի կառուցվածքը և գործառույթները» Պ.Ռովինսկի, «Երկրաֆիզիկայի ինստիտուտի Սեյսմոլոգիայի ու Երկրի ֆիզիկայի դեպարտամենտի ուսումնասիրությունները երկրորդային սեյսմիկ վտանգի գնահատման ուղղությամբ» Ս.Լասոցկի։

ՍՊԾ պետ Հ.Պետրոսյանը հյուրերին ներկայացրեց «ՀՀ ԱԻՆ Սեյսմիկ պաշտպանության ծառայության ձեռքբերումները և գերակա խնդիրները» թեմայով զեկույց:

Զեկուցումների շուրջ ծավալված քննարկման արդյունքում որոշվեց զարգացնել և ընդլայնել կապերը սեյսմիկ անվտանգության ապահովման ոլորտում ՀՀ ԱԻՆ Սեյսմիկ պաշտպանության ծառայության, Բուլղարիայի և Լեհաստանի Գիտությունների ակադեմիաների միջև: