«Ռեալը» Չեմպիոնների լիգայում ամենաշատ հարված կատարած ակումբն է

Չեմպիոնների լիգայի ընթացիկ մրցաշրջանի խմբային երեք տուրերից հետո «Ռեալը» ամենաշատ հարված կատարած ակումբն է: «Արքայական ակումբի» ֆուտբոլիստների հաշվին գրանցված է 52 հարված, որոնցից 31-ը եղել է դարպասին: Նույնքան ճշգրիտ հարված են կատարել նաև ՊՍԺ-ի խաղացողները:

Ամենաքիչ հարվածը կատարել են «Աուստրիայի»  ֆուտբոլիստները՝  15: Ամենաշատ փոխանցումը կատարել են ՊՍԺ-ի ֆուտբոլիստները՝ 2477 փոխանցում` 86% ճշգրտությամբ: Նույնքան ճշգրիտ փոխանցում են կատարել «Բարսելոնայի» խաղացողները: Վատագույն արդյունքը գրանցել է «Սելթիկը»` 1125 փոխանցում (64%): Ամենաշատը անկյունային հարված իրացրել են «Յուվենտուսի» ֆուտբոլիստները՝ 32, ամենաքիչը՝  «Օլիմպիակոսն» ու «Գալաթասարայը»՝ 6-ական անգամ:

Ամենակոպիտ խաղը ցուցադրել է «Սելթիկը»՝ 2 հեռացում, ամենաշատ զգուշացումը ստացել են «Աուստրիայի» խաղացողները՝ 10, իսկ ամենից հաճախ կանոնները խախտել են «Բենֆիկայի» ֆուտբոլիստները՝ 59 անգամ: