Ռուսաստանի հետ սիրախաղերը. «ես վախով եմ հետևում, թե ուրիշ ինչ փոփոխություններ կլինեն առաջիկայում»

«Հրապարակ»-ը այսօրվա խմբագրականում գրում է.

«Բավական էր մի կեսքայլ արվեր դեպի նեոսովետիզմ, որ անմիջապես գլուխ բարձրացնեին սովետական դարաշրջանի բազում երևույթներ ու ատրիբուտներ: Սկսած ռուսաց լեզվի ու ռուսալեզու դպրոցների նկատմամբ ակնածանքից, վերջացրած սովետական շրջանի գործիչների նկատմամբ պաշտամունքով, սովետական ժամանակներին բնորոշ միջոցառումների դեժավյուով: Ով կսպասեր, որ մեզանում մի օր միջոցառումների մի ամբողջ շարք է նվիրվելու Անտոն Քոչինյանին, ով ՀԽՍՀ մինիստրների սովետի նախագահն Էր 13 տարի, և ում ժողովուրդը հիշում Է ինչպես լավ, այնպես Էլ վատ դրսևորումներով:

Չմոռանանք, որ նրան նաև Անտոն Բրիլյանտովիչ Էին ասում: Երեկ Քոչինյանի կիսանդրին են կանգնեցրել Երևանի կենտրոնում, որտեղ վաղօրոք նաև փողոց Էին անվանակոչել նրա անունով: Կիսանդրին Էլ շատ նման Է սովետի հնաբույր հուշարձաններին, որ, թվում Է, անցյալի Էջերից եկել-հառնել Է Երևանի կենտրո-նում:

Թերևս երկրի ընդհանուր մթնոլորտն Է այսպիսին՝ համաժողովների, համագումարների, հանդիսավոր նիստերի տրամադրող, ու նաև դա Է պատճառը, որ Հայ հեղափոխական դաշնակցությունը ՀՅԴ հիմնադիր Սիմոն Զավարյանի 100-ամյակի միջոցառումների շարք Է անում: Ու թեև այս դեպքում խոսքը սովետական գործչի մասին չէ, բայց միջոցառումների բնույթը, ձևը, բովանդակությունը ախր շատ Է սովետական: Սա 70- ամյա ծանր ժառանգության հետևանքն Է, երբ սովետական պաթետիզմից ու կեղծ հոբելյանական արտիստիզմից ազատվել չի ստացվում: Անգամ եթե կազմակերպիչները ոչ մի կապ չունեն սովետի ու նրա ժառանգության հետ:

Ես վախով եմ հետևում, թե ուրիշ ինչ փոփոխություններ կլինեն առաջիկայում, եթե Ռուսաստանի հետ սիրախաղերը շարունակություն ունենան: Բրեժնևյան ժամանակաշրջանի դանդաղաքայլ վերադարձը մի լավ բան չի խոստանում»:

Մանրամասները' «Հրապարակ-ի այսօրվա համարում: