Տիգրան Սարգսյանի կառավարությունը մտադիր չէ որևէ կերպ իրականացնել Սերժ Սարգսյանի հանձնարարականները

«Ժողովուրդ» օրաթերթը գրում է, որ Տիգրան Սարգսյանի կառավարությունը, կարծես թե, մտադիր չէ որևէ կերպ իրականացնել Սերժ Սարգսյանի հանձնարարականները: Համենայնդեպս, ըստ Ազգային վիճակագրական ծառայության տվյալների, ՀՀ տնտեսական ակտիվության ցուցանիշն այս տարվա 9 ամիսների կտրվածքով կազմել է 3.2 տոկոս: Սակայն սա դեռ ամենը չէ. հունվար-սեպտեմբեր ամիսներին ՀՀ-ում գրանցվել է 5.6 տոկոս գնաճ, մինչդեռ միջին ամսական աշխատավարձի աճը եղել է ընդամենը 4 տոկոս:

Սա, թերևս, նշանակում է, որ մարդիկ շարունակում են էլ ավելի վատ ապրել: Այս թվերը հետաքրքիր են հատկապես Սերժ Սարգսյանի այս տարվա մարտի 18-ին լրագրողների հետ հանդիպման ժամանակ արած հայտարարության ֆոնին, երբ ասաց, թե կառավարությունից ակնկալում է, որ «աշխատավարձերի աճը պետք է ավելին լինի, քան գնաճը»:

Մանրամասները՝ «Ժողովուրդ»-ի այսօրվա համարում: