Նա հայ ժողովրդի ձայնը լսելի և ճանաչելի դարձրեց հեռու ու մոտ երկրների մարդկանց

Երջանիկ երաժիշտ էր Արամ Խաչատրյանը: Ստեղծագործողի հզոր ձիրքն ինքնին երջանկություն էր, սակայն նրան վիճակվեց մի այլ մեծ երջանկություն ևս:

Արամ Խաչատրյանի ստեղագործական կյանքի գարնանամուտը զուգադիպեց հայ ժողովրդի զարթոնքին, մեծագույն մշակութային վերելքին, և նա իր ստեղծարար ժողովրդի ազատատենչ, կենսահաստատ հույզերի մարմնավորողը դարձավ:

Երջանիկ էր Արամ Խաչատրյանը, որն իր արևահամ, կենսախինդ երաժշտությամբ եկավ փոխարինելու հազարամյակներ հնչող աղետալի, ողբանվագ վշտի, կարոտի, պանդխտության երգերին ու նվագներին:

Երջանիկ ավեստագետ էր Արամ Խաչատրյանը, որին վիճակվեց գտնել Արևեքի և Արևմուտքի գեղարվեստական ավանդույթների միահյուսման առավել համոզիչ ուղիներ, և համաշխարհային երաժշտական մշակույթը մեծապես հարստացնել մեծ արժեք ունեցող գործերով:
Երջանիկ էր Արամ Խարատրյանը, որը իր հարազատ ժողովրդի ինքնատիպ երաժշտական ավանդույթների զարգացման անկրկնելի ձևեր հայտնաբերեց:

Երջանիկ էր երաժիշտը, որն իր հարազատ հայ ժողովրդի ձայնը լսելի և ճանաչելի դարձրեց հեռու ու մոտ երկրների մարդկանց:
Երջանիկ էր Արամ Խաչատրյանը, որը դեռևս ստեղծագործական կյանքի կեսօրին տեսավ իր հիմնադրած հայ կոմպոզիտորական նոր դպրոցի վերելքը, վկա եղավ նրա համընդհանուր ճանաչման:

Արամ Խաչատրյանին էր տրված իսկական քաղաքացու վեհ և ազնիվ հոգեբանությամբ, արտակարգ պատասխանատվության զգացումով ապրել իր գիտակից կյանքի ամեն պահը...
Երջանիկ էր Արամ Խաչատրյանը ...

Մ. Հարությունյան «Արամ Խաչատրյան»

Լուսինե Զաքարյան (Lousine Zaqaryan) ֆեյսբուքյան էջ։