Այսօր «ջութակով սատանայի»՝ Նիկոլո Պագանինիի ծննդյան օրն է

«Պետք է ուժեղ զգաս, որպեսզի ստիպես զգալ»:

Նիկոլո Պագանինի

Իտալացի ջութակահար, կիթառահար և կոմպոզիտոր Նիկկոլո Պագանինին ծնվել է 1782 թ. հոկտեմբերի 27-ին, Ժնևում:

Նիկոլո Պագանին շատ դաժան մանկություն է ունեցել: Հայրը երաժիշտ էր և իր առաջին ուսուցիչը: Օրը 24 ժամ Նիկոլոն վախեցած ջութակը ձեռքին էր պահում, քանի որ հակառակ դեպքում հայրը կպատժեր` դիմելով ձեռքի ուժին: Բայց անկախ այդ դաժան հանգամանքներից նա սիրում էր երաժշտությունը, միգուցե դա էր, ինչպես նաև հոր դաժան դաստիրակությունն էր պատճառը, որ դարձրեց նրան այն ինչը նա դառավ:

Ինչպես արդեն նշեցինք, Նիկոլո Պագանինին վաղ տարիքում հորից սովորել է մանդոլին և ջութակ նվագել: Հետագայում ջութակի դասեր է առել իտալացի ջութակահարներ Ջակոմո Կոստայից և Ալեսսանդրո Ռոլլայից: 11 տարեկանում հանդես է եկել մենահամերգով. կատարել է նաև սեփական վարիացիաներից: 1797–98 թթ. Պագանինին համերգներով շրջագայել է Հյուսիսային Իտալիայում: 1801–05 թթ. ապրել է Տոսկանայում և Ջենովայում, 1805–13 թթ. եղել է Պիոմբինոյի երաժշտական ուսումնական հաստատության տնօրեն, Լուկկայում` պալատական ջութակահար:

Պագանինին իր ժամանակի ամենահայտնի և վիրտուոզ ջութակահարն էր: Հիմք դնելով ջութակի արվեստի ժամանակակից տեխնիկային` նա որոշակիորեն ազդել է նաև դաշնամուրային և գործիքավորման արվեստի վրա:

Պագանինիի ստեղծագործություններին հատուկ են իտալական ժողովրդական երաժշտության մեղեդայնությունն ու վառ կերպարայնությունը, իսկ կատարողական արվեստին` դրամատիկական պաթոսը, հուզական անմիջականությունն ու ազատ իմպրովիզացիան (հանպատրաստից ստեղծագործելը): Նա առաջին ջութակահարն է, որ համերգների ընթացքում նվագել է առանց նոտաների: