«Հարուստները բոլոր ծառերը կտրել են». Էդվարդ Ալեքսանյան

երեկ

բարի լույս
բոլորիդ բարի լույս

տարբերություն չկա
ջահել մաճկալի ու հալիվորի միջեվ
լույսը բոլորինն է
ինչ կլինի
եթե մեկի խելքին փչի լույսը վաճառել
եվ կամ օդը

սպասեք կանեն
հոգուս մեջ ինչ-որ ֆիքս սուլում է ֆոկստրոտ
տանը ցուրտ է

աստված ու սրբեր հավասարվել
կաշառքով
ընտրվում են աստված ու պատգամավոր

պողոսը նախարար է պետրոսը նպաստառու աղքատ
նրանք մի մորից ծնված հարազատ եղբայրներ են
նույն արեվի տակ են ապրում
նույն օդը շնչում աղտոտված
պողոսը 500-ց ավելի հիվանդություններ ունի
մեծն բժիշկների կողմից հաստատված
պետրոսը չի գնում բժշկի
ասում
որ առողջ է
սատանի ականջը խուլ մեղք է

ես աղքատներին խղճում եմ
բայց նրանցից շատերը սարսափելի են
երբ հարստանում են
ու փողի մոլուցքով տարվում

ինչ-որ բան այն չէ

հարուստները բոլոր ծառերը կտրել են
մեծ տներ
ամառանոցներ են սարքել փայտից
որ առողջ ապրեն իրենց տների մեջ
կորչի էկոլոգիան
կորչի երկիրը
իրենք իրենց տաքուկ տներում շատ երջանիկ են
օդորակիչներ ունեն հակագազ
օդի պահեստարաններ
արհեստական թթվածին

հիվանդ թագավորը
իր շուրջբոլոր առողջ բան չի տեսնում
պաշտոններ ու բժիշկներ է փոխում անընդհատ
ցավը նույնն է

գետինը մտնես օբամա
հողը քեզ պես սեվ է
ժավելը չի օգնի

խենթ է արբեցումը ու կանաչ
սսկված հաղորդալարի կարճ միացումից
ատոմային պայթյուն է

նորածին
տիեզերքը աստղապարի մեջ է
երկու միասեռ մետագալակտիկաներ
որոշել են ամուսնանալ
գենդերային համահավասարություն է
սպասեք եվս մի քանի միլիարդ լուսատարի
եվ նրանք մանուկ սպիտակ թզուկ կարող է ունենանան
երբ
գիտությունը մի քիչ զարգանա աստեղային ծննդանոցում
ուշադիր եղեք բաց չթողնեք պահը
երկրային ժամանակով ուղիղ կեսգիշերին

ես հավանաբար ցնդել եմ
տեղ տվեք ինձ ձեր մեջ
ձեր սեփական հաստատություններում
ու բանաստեղծին արժան փոքր աշխատավարձ
որ գոյատեվեմ
պետական աղքատավարձը ցածր է

մի անգամ եվս մեզ խաբեցին
թուրքերը
ամերիկացիներն ու վրացիները
հրեաները հույները

կրեմլը
մասսայական ոչնչացման նոր զենք ծախեց կրոմանյոնցիներին
ու հոմոնեանդերտալենսիսներ ձեվացող
ազիկոերկրամասամանյայով տառապող
հարազատ տարտարարից վիժված թուրք թաթարներին

գորբաչ շունն ու երկրաշարժը քիչ էր

հետաքրքիր է այս անգամ
ում դեմ նորից պիտի օգտագործվեն այդ զենքերը
հարազատ սահմանապաների
մեր
թե արեգակի շողերի հետ իջած
թվացյալ հայ այլմոլորակայինների

կեցցեն արմենուդ հոմոսափիենսները
որոնք
նոր մաքսային միությանը կմիանան
բոլոր շեղաչք մուսուլմանական սեխապետությունների
ու ռուսների հետ դարավոր բարեկամության
ինչպես նաեվ հայ օլիգարխներին
ավելորդ գերշահույթներ ստանալու մեջ
անիմաստ չչարչարկելու համար

հայը աշխարհինն է թող աշխատանք փնտրի
տիեզերքում
հեռանա
գնա

կորչեն ժողովուրդները
աստված նրանց լքել
ու արդեն 2 հազար տարի քեֆչիություն է անում
տավարածների հետ գալոկա մոլորակում
իր հաճույքների ու վայելանքների համար
մի սպասեք նա չի գա
որ բռնեք ու մի անգամ եվս մի լավ խաչեք ջհուդներ
իսկ օբաման ձեռները լվանա

հայերը ստիպված
մանրից տեղափոխվում են
մերկուրի
ասում են այնտեղ ձրի է լույսը
ու աշխատանք ինչքան ասես կա արեգակի վրա
որտեղ տաքանալու կարիքը չկա
միանգամից անցնում ես
նյութի ամենաբարձրագույն
հիպերպրոտոպլազմատիկ աստեղային վիճակի

ինչ էլ անուն ունի
փայլածու
այնտեղ
լույսային էներգետիկ առեվտրով են զբաղվում նաեվ
հրեղենիկ վահագնը արամազդը
պապերը
չգիտեմ մեր թե հնդեվրոպացիների

ծափահարենք
ժողովրդական մասսաների կողմից ընտրված
փառավորյալ վարկանուններ կրողներին
նրանք միանշանակ ավտորիտար իշխանություն ունեն
հանրությունից պլոկած միլիարդներ
ու օֆշորներում մեծ ձեռնարկատերեր են
սրբեր չեն
նաեվ մանդատներ են կրում ապազգային ժողովի
մինուս կամ պլյուս երեք հանրահայտ տառերով
ինչպես կուզեք հասկացեք

թե կկարողանաք

թող անպակաս լինեն ապազգային ժողով վեհարանից
մաֆիոզ տերտերներն ու կուսակցականապետերը
որոնք չեն փրկի երկրի բոլոր անկախականներին հաստատ
աստծո ու օրենսդրության ճիրաններից
տեսախցիկները ամեն պահ կարձանագրեն
ցանկացած շարժում
ու դուք բոլորդ /հեռու ձեզանից/
մինչեվ ձեր հուղակավորությունը կաշխատեք
միմիայն սոսկալի ու մեծ տուգանքներ
մաքուր ոսկով
ու ճակատի քրտինքով վճարելու համար
որ
տերտերներն ու կուսակցականապետերը լավ ապրեն
ոչ թե ձեր երեխաները

թակարդում եք
նեղն եք
դուք եք մեղավոր դիմացեք

բարի լույս
բարի լույս բոլորին

աղմուկ

խիստ ջղային մի օլիգարխ բղավում է
բարի լույսը իմն է իմ սեփականությունը
ես այն գնել եմ վաշինգտոնից
եվ ցույց է տալիս արտոնագիրը

գետինը մտնես այ օբամա
բարի լույսն էլ ծախեցիր

չորս կողմ մեծ հայելիներ են դրել
վճարիր
եվ քո թաղամասը կլուսավորեն հայելիներով
ու ցերեկ կունենաս վճարովի
արշալույս ու արեվածագ
երանի Փոքրիկ Իշխանին
նա մի օրում
քանի արեվգալ էր դիտում անվճար
ջրում իր վարդին
իր կյանքից թանկ վարդին

մենք ատոմակայան ունենք
որի լույսը տասն անգամ ավելի թանկ է
ունենք իրանից եկող էժան գազատար
բայց մեր ժողովուրդը
ասում են
մեր ժողովուրդը չափից դուրս էժան է

եվ ես վիրավորվում եմ
իմ լյառն Մասիսը թանկ է
իմ հայ ժողովուրդը
իմ զինանշանը
իմ դրոշը
հիմնը

մի նոր եղանակ եմ եմ գտել ձեզ սփոփելու
ինչ էք անում լույսը
մթան մեջ գոնե մի քիչ ավելի երկար կքնեք

իմ հավերժ քնած անմեղներ Ձեզ ողորմի

բարի գիշեր
ու բարի հիշողություններ բոլորին

այգաբացին մեր փողոցի հայելին նորից անջատեցին
այսօր մենք նոր առավոտ չենք ունենա
նոր ցերեկ
ինչ լավ էր երեկ
երանի հոգով աղքատներին
տեսնում եք ինչեր են մտածում օլիգարխները

ձեզ պետք չեն նույնիսկ անվճար աշխատող բանաստեղծներ
մարդիկ
դուք միայն ստամոքսի մասին եք մտածում

Էդվարդ Ալեքսանյանի ֆեյսբուկյան էջից