Հայ գեղեցկուհին պայքարում է Miss Globe 2013 տիտղոսի համար (Ֆոտո)

Այս տարի ևս Հայաստանը ներկայացված կլինի Miss Globe 2013 գեղեցկության մրցույթում, որը 2013 թվականին անցկացվելու է Ալբանիայում: Հայաստանը ներկայացնում է Տաթևիկ Չապեջյանը:

Վերջինս հոկտեմբերի 20-ից նոյեմբերի 2-ը գտնվելու է Ալբանիայի Դուրես քաղաքում և 50 պետությունների գեղեցկուհիների հետ պայքարելու է Miss Globe 2013-ում հաղթողի կոչման համար:

MediaMall.am-ի թղթակիցը կապ հաստատեց Ալբանիայում գտնվող ՀՀ ներկայացուցիչ, գեղեցկուհի Տաթևիկ Չապեջյանի հետ, ով նշեց, որ իրեն շատ լավ են վերաբերվում Ալբանիայում և անպայման պայքարելու է հաղթողի կոչման համար:

«Նախ և առաջ ուզում եմ խորհին շնորհակալություն հայտնել Համաշխարհային գեղեցկության և նորաձևության լիգայի Հայաստանյան կենտրոնի նախագահ պարոն Աշոտ Խաչատրյանից՝ մասնակցության հրավերի համար: Հարկ եմ համարում նշել, որ օդանավակայանում ինձ դիմավորեց, անձամբ մրցույթի գլխավոր կազմակերպիչ և նախագահ Պետրի Բոզոն, իսկ այդ հանգամանքը պայմանավորված էր Հայաստանի և հատկապես պարոն Խաչատրյանի հանդեպ ունեցած մեծ հարգանքով: Մրցույթի կազմակերպվածությունը դրված է շատ բարձր մակարդակի վրա, յուրաքանչյուրիս հանդեպ անհատական մոտեցում է ցուցաբերվում, մի խոսքով սպասենք նոյեմբերի 2-ին մրցույթային օրվան»,- նշեց Տաթևիկը:

Մանրամասները՝ այստեղ: