ՃՏՊ-ներ Երևանում

Հոկտեմբերի 28-ին, ժամը 11.15-ի սահմաններում, «Մերսեդես» մակնիշի ավտոմեքենայի վարորդը Երևանի Աբովյան փողոցի թիվ 54 շենքի մոտ վրաերթի է ենթարկել 74-ամյա կնոջ, պատաճառել մարմնական վնասվածքներ և նրան տեղափոխել հիվանդանոց:

Կատարվում է քննություն:

***

Հոկտեմբերի 29-ին, ժամը 02.00-ի սահմաններում, Երևանի Լենինգրադյան փողոցի թիվ 27 հասցեի դիմաց իրար են բախվել «Ֆոլքսվագեն» և «Լադա Կալինա» մակնիշի ավտոմեքենաներ:

Պատահարի հետևանքով վարորդները և «Ֆոլքսվագեն»-ի ուղևորուհին ստացել են մարմնական վնասվածքներ և տեղափոխվել «Արմենիա» բժշկական կենտրոն:

Կատարվում է քննություն:

***
Հոկտեմբերի 28-ին, ժամը 11.30-ի սահմաններում, Երևանի Կոմիտասի պողոտայի թիվ 52 շենքի դիմաց տրոլեյբուսը կտրուկ առաջ է շարժվել, ինչի հետևանքով 54-ամյա ուղևորուհին սրահում վայր է ընկնել և մարմնական վնասվածքներով տեղափոխվել «Սուրբ Գրիգոր Լուսավորիչ» բժշկական կենտրոն:

Կատարվում է քննություն: