Այսօր դաշնակահարուհի Սվետլանա Նավասարդյանի ծննդյան օրն է

Դաշնակահարուհի Սվետլանա Նավասարդյանը ծնվել է 1946 թ. հոկտեմբերի 29-ին, Ալավերդիում: 1964-68 թթ սովորել է Երևանի Կոմիտասի անվան պետական կոնսերվատորիայում:

1971թ. ավարտել է Մոսկվայի կոնսերվատորիան, 1973թ.` ասպիրանտուրան: 1966 թվականից հանդիսանում է Հայաստնի ֆիլհարմոնիկ նվագախմբի մենակատար:

1974-ից դասավանդում է ԵրևանիԿոմիտասի անվան պետական կոնսերվատորիայում (1989 թվականից` պրոֆեսոր): Համերգային ծրագրերով եղել է աշխարհի բազմաթիվ երկրներում, ելույթներ է ունեցել տարբեր միջզգային փառատոների ժամանակ` Բրատիսլավա, Վառն, Էստերնախ, Փարիզ և այլն:

1977թ. արժանացել է ՀԽՍՀ վաստակավոր, 1984թ.` ժողովրդական արտիստի կոչմանը, 1988թ.` ՀԽՍՀ Պետական մրցանակի: Արժանացել է նաև բազմաթիվ միջազգային մրցանակների` Շումանի, Բախի, Բելգիայի թագուհի Եղիսաբեթի անվան միջազգային դաշնակահարների մրցույթներում դափնեկիր և այլն: Պարգևատրվել է նաև ՀՀ «Մեսրոպ Մաշտոց» և Պատվո շքանշաններով:

avproduction.am