Յուրա Մովսիսյանը՝ խորհրդանշական հավաքականում

Ռուսական soccer կայքը հրապարակել է Ռուսաստանի առաջնության 14-րդ տուրի խորհրդանշական հավաքականի կազմը, որտեղ ընդգրկված է նաև Հայաստանի հավաքականի և Մոսկվայի «Սպարտակի» հարձակվող Յուրա Մովսիսյանը:

«Յուրա Մովսիսյանը կարողացավ դիմակայել մրցակցի ուժեղ պաշտպաններին, վաստակեց երկու 11 մետրանոց, չնայած որ մրցավարը նկատեց միայն մեկ խախտում: Նա իսկական տղամարդու պես է խաղում, և նրա բնավորությունն օգնում է սպարտակցիներին դժվարին խաղերում հաղթանակ տոնել»,-գրում է կայքը: