1973թ. այս օրը բացվեց Բոսֆորի` Եվրոպան Ասիային միացնող կամուրջը

Բոսֆոր (թուրք.՝ İstanbul Boğazı - «Ստամբուլի նեղուց», հուն.՝ Βόσπορος - «Կովի ծանծաղուտ»), Բոսֆոր Թրակիական` նեղուց Եվրոպայի և Փոքր Ասիայի միջև, որը միացնում է Սև ծովը Մարմարա ծովի, իսկ Դարդանելի նեղուցի միջոցով Միջերկրական ծովին։ Նեղուցի երկու կողմերի վրա տեղակայված է Թուրքիայի Ստամբուլ քաղաքը (հնում` Կոստանդնուպոլիս)։

Նեղուցի երկարությունը 30 կմ է, առավելագույն լայնությունը 3 700 մ (հյուսիսում), նվազագույն լայնությունը` 700 մ։ Նավարկուղու խորությունը 36-ից մինչև 124 մ։