Հիտլերին զրկել են պատվավոր քաղաքացու կոչումից

Երկրորդ համաշխարհային պատերազմից 68 տարի անց Ադոլֆ Հիտլերին զրկել են գերմանական Գոսլար քաղաքի պատվավոր քաղաքացու կոչումից: Այս մասին որոշումն ընդունվել է միաձայն. նշել է Ներքին Սաքսոնիայում գտնվող այս քաղաքի ներկայացուցիչը, հայտնում է Vesti-ն:

Քաղաքի ղեկավարությունը մինչև վերջերս նշում էր, որ պատվավոր քաղաքացիության հարցը մեխանիկորեն լուծված է համարվում Ադոլֆ Հիտլերի ինքնասպանության և նացիստական ռեժիմի տապալման պատճառով: 

Այս որոշումը խորհրդանշական և ֆորմալ բնույթ է կրում: 

Նշենք, որ Գոսկլար քաղաքն Ադոլֆ Հիտլերին պատվավոր քաղաքացիություն էր շնորհել 1934-ին, երբ ֆյուրերը ռեյխսթագկանցլերի պաշտոնում էր գտնվում:

Ադոլֆ Հիտլերին 1930-1940-ականների ընթացքում պատվավոր քաղաքացու կոչում էր շնորհել Գերմանիայի և Ավստրիայի շուրջ 4000 բնակավայր: