1961 թ. այս օրը Իոսիֆ Ստալինի դագաղը գաղտնի դուրս բերվեց Լենինի դամբարանից, և նրան թաղեցին Կրեմլի պատի տակ

Ստալինը վախճանվել է 74 տարեկան հասակում։ Նրա թաղմանը մասնակցում էին Մոսկվայի համարյա բոլոր բնակիչները։ Թաղման երկար արարողության ժամանակ մարդկանց մահվան դեպքեր են արձանագրվել։ Սկզբում Ստալինի մարմինը չէին հանձնել հողին, այլ ամփոփել էին Կարմիր հրապարակի Լենինի դամբարանում (այն սկսվեց կոչվել Վ. Լենինի և Ի. Ստալինի դամբարան)։ Սակայն Նիկիտա Խրուշչովի կառավարման տարիներին` 1961 թ. հոկտեմբերի 31-ի լույս նոյեմբերի 1-ի գիշերը, նրա դին գաղտնի հանվեց դամբարանից և թաղվեց Կրեմլի պատի մոտ: