Հայաստանում համերգներով հանդես կգա Վլադիմիր Սպիվակովը

Հայաստանի Հանրապետության և Ռուսաստանի Դաշնության մշակույթի նախարարությունների և ԱՊՀ երկրների Հումանիտար համագործակցության միջպետական հիմնադրամի աջակցությամբ՝ ս. թ. նոյեմբերի 10-11-ը Հայաստանում համերգներով հանդես կգա Ռուսաստանի ազգային ֆիլհարմոնիկ նվագախումբը՝ գեղարվեստական ղեկավար և գլխավոր դիրիժոր Վլադիմիր Սպիվակովի գլխավորությամբ։
Արամ Խաչատրյանի անվան միջազգային փառատոնի շրջանակներում կազմակերպվող երևանյան համերգը կկայանա նոյեմբերի 10-ին` ժամը 19:00-ին, «Արամ Խաչատրյան» համերգասրահում։ Այն նվիրված է Հայաստանի կամերային նվագախմբի հիմնադիր, անվանի ջութակահար, դիրիժոր Զարեհ Սահակյանցի 80-ամյակին։

Հաջորդ օրը` նոյեմբերի 11-ին, նվագախումբը ելույթով հանդես կգա Գյումրիում: Համերգը կեզրափակի «Գյումրին 2013 թ. ԱՊՀ մշակութային մայրաքաղաք» միջոցառումների շարքը: Գալա-համերգում Ռուսաստանի ազգային ֆիլհարմոնիկ նվագախմբի հետ ելույթ կունենան դաշնակահար Ալեքսանդր Ռոմանովսկին (Իտալիա), բարիտոն Վասիլի Լադյուկը (Ռուսաստան), մեցցո-սոպրանո Ջուլիետ Գալստյանը (Շվեյցարիա) և սոպրանո Հասմիկ Պապյանը (Հայաստան)։