«ՌեԱնիմանիան» ընդլայնում է աշխարհագրությունը

ՀՀ Նախագահի և ՀՀ մշակույթի նախարարության աջակցությամբ' ս. թ. հոկտեմբերի 26-ից նոյեմբերի 1-ը Երևանում անցկացվում է «ՌեԱնիմանիա» միջազգային 5-րդ անիմացիոն կինոփառատոնը: Այս տարի փառատոնը նշում է Հայկական մուլտիպլիկացիայի 75 ամյակը:
Փառատոնի մրցութային անվանակարգերն են՝ «Կարճամետրաժ ֆիլմեր», «Լիամետրաժ ֆիլմեր», «Ավարտական ֆիլմեր», «Հեռուստատեսային և ուսուցողական ֆիլմեր», «Երաժշտական ֆիլմեր», «Գովազդ», «Լավագույն անիմացիոն կերպար», «Լավագույն նկարչական լուծում»:

«ՌեԱնիմանիա» միջազգային անիմացիոն կինոփառատոնի հիմնական՝ «Լիամետրաժ ֆիլմերի» մրցութային ծրագիրն այս տարի գլխավորում է Անսիի միջազգային անիմացիոն կինոփառատոնի տնօրեն Տիցիանա Լոսկին:

2013 թվականին «ՌեԱնիմանիա» փառատոնի համար բացառիկ է նաև նրանով, որ այն ընդլայնում է իր աշխարհագրությունը. ս. թ. նոյեմբերի 1-3-ը փառատոնը կանցկացվի նաև Լեռնային Ղարաբաղի Հանրապետությունում:

Մուտքն ազատ է: