Մարդն իր կամքով դիմել է, որ իր պաշտոնն իջեցնեն. խիստ տրամաբանական է

Պարզվում է, որ պաշտոնյայի համար կարող է գերագույն նպատակ լինել սեփական տեղակալը դառնալը: Որքան էլ միտքն աբսուրդային է հնչում, այդուհանդերձ, Հայաստանի Հանրապետության համար սովորական առօրյա պատկեր է: Օրինակ՝ երեկ ՀՀ գլխավոր դատախազ Գեւորգ Կոստանյանի հրամանով դատախազության աշխատակազմի ղեկավար Աշոտ Եսայանն ազատվել է աշխատանքից եւ նույն օրը նույն գերատեսչությունում նշանակվել աշխատակազմի ղեկավարի տեղակալ:

Բնականաբար, գլխավոր դատախազությունը պաշտոնապես հայտնում է, որ մարդիկ ազատվել են իրենց կամքով՝ սեփական դիմումի համաձայն: Այսինքն՝ մարդն իր կամքով դիմել է, որ իր պաշտոնն իջեցնեն, դարձնեն իր իսկ տեղակալը: Խիստ տրամաբանական է: Բրավո, Կոստանյա՛ն:

Մանրամասները՝ «Ժողովուրդ»-ի այսօրվա համարում: