«Բարսելոնայի» ֆուտբոլիստները պատրաստ են աջակցել Մեսսիին

Կատալոնական «Բարսելոնայի» ավագները՝ Կարլես Պույոլը, Չավին, Վիկտոր Վալդեսը և Անդրես Ինյեստան, առաջիկայում կհանդիպեն թիմի հարձակվող Լիոնել Մեսսիին. տեղեկացնում է իսպանական մամուլը:

«Կապտանռնագույնների» ֆուտբոլիստները ցանկանում են զրուցել արգենտինացու հետ և պարզել՝ արդյոք Մեսսին խնդիրներ ունի: Վերջին հանդիպումներում ֆուտբոլիստն իր խաղով չի փայլում, ինչն անհանգստացնում է ակումբին: Ֆուտբոլիստները պատրաստ են օգնել Մեսսիին, եթե վերջինս ինչ-որ բանի կարիք ունի: