100 դրամը չի բավարարում շահագործման բոլոր ծախսերը ծածկելու համար. Կամո Արեյան
Հայաստան
«Սպասեք հանձնաժողովի աշխատանքների ավարտին»: Այս մասին այսօր Ազգային ժողովում լրագրողների հետ ճեպազրույցում ասաց Երևանի փոխքաղաքապետ Կամո Արեյանը` անդրադառնալով տրանսպորտի թանկացմանը:
«Այսօրվա 100 դրամը չի բավարարում շահագործման բոլոր ծախսերը ծածկելու համար: Մենք հաշվի ենք նստում բոլոր վերլուծությունների հետ` առանց խուսափելու, ընդունում ենք բոլոր առաջարկները, և հանձնաժողովը կիրականացնի մանրակրկիտ վերլուծություն և կտա սպառիչ պատասխան: Հաշվի են առնվում բոլոր գործոնները: Հանձնաժողովում ընդգրկված են լայն խավեր, տարբեր ներկայացուցիչներ, ընդունվում են բոլոր առաջարկությունները` առանց խտրականության, և ամենայն բարեխղճությամբ ու համբերատար քննարկվում են բոլոր առաջարկները», - ասաց փոխքաղաքապետը:
Վերջինս կարծիք հայտնեց, որ որակի, ծառայությոնների մատուցման հարցում առկա են խնդիրներ:
«Ինձ էլ դուր չի գալիս ծառայության որակը, ինձ էլ որպես քաղաքացի հաճելի չէ, թե ինչպես են մարդիկ կքած երթևեկում միկրոավտոբուսներով, միկրոավտոբուսների տեխնիկական վիճակն էլ վիճակ չէ: Որակյալ ծառայութունը բերում է նոր ծախս»,-ասաց Արեյանը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
