Հաճույք եմ ստանում հավաքականում անցկացրած յուրաքանչյուր ակնթարթից. Մարկոս Պիզելի

Հայաստանի ազգային հավաքականի ֆուտբոլիստ Մարկոս Պիզելին «Կրասնոդարի» պաշտոնական կայքին տված ծավալուն հարցազրույցում անդրադարձել է Հայաստանի հավաքականին:

«Ես փողի համար չէ, որ համաձայնեցի խաղալ Հայաստանի հավաքականում: Հայաստանի քաղաքացիություն ընդունելու որոշումս շատ արագ կայացրի, քանի որ դա ինձ համար մեծ հնարավորությունն է ինքս ինձ փորձելու հավաքականում: Բացի այդ, ես այդ ժամանակ ծանոթ էի հավաքականի ֆուտբոլիստներից շատերի հետ, նրանցից շատերի հետ ընկերություն էի անում. այդ պատճառով էլ մեծ սիրով ընդունեցի քաղաքացիության առաջարկը: Ինձ հարազատ երկրում զգացի միայն մի քանի տարի անց, երբ կարողացա բացահայտել Հայաստանը, մարդկանց, երբ մի քանի տարի հավաքականի կազմում խաղալուց հետո վարակվեցի հայրենասիրությամբ: 

Հայերն ու բրազիլացիները բացարձակ նման չեն (ծիծաղում է...): Այս ազգերը մենթալիտետով բոլորովին տարբեր են: Հայաստանի հավաքական գնում եմ նախևառաջ պաշտպանելու այն երկրի դրոշի գույները, որը ինձ ընդունեց իր ընտանիք և դարձավ իմ երկրորդ տունը: Մեծ հաճույք եմ ստանում ընկերներիս հետ հանդիպումից: Մեզ մոտ հիանալի մթնոլորտ է, և ես հաճույք եմ ստանում հավաքականում անցկացրած յուրաքանչյուր ակնթարթից: Յուրա Մովսիսյանն իմ ընկերն է, չեմ թաքցնի՝ նա իր նախկին ակումբի ղեկավարությանը խնդրել է, որ  10 համարի մարզաշապիկը հանձնեն ինձ, որը Մովսիսյանի՝ «Սպարտակ» տեղափոխությունից հետո ազատվել էր»,-նշել է Պիզելին: