Բակո Սահակյանը` Սերժ Սարգսյանի իրավահաջո՞րդ. Արկադի Ղուկասյանը` շրջանառվող լուրերի մասին

Լեոնային Դարսւբաղի Հանրապետության նախկին նախագահ Արկադի Ղուկասյանը «Ժողովուրդ» օրաթերթի հետ զրույցում նշել է, որ ինքը, լինելով ԼՂՀ Սահմանադրության հեղինակը, այնտեղ հատուկ նշել է, որ Արցախը պետք է լինի անկախ երկիր:

-Պարոն Ղուկասյան, տեղեկություններ են շրջանառվում, թե Սերժ Սարգսյանի իրավահաջորդը լինելու է ԼՂՀ նախագահ Բակո Սահակյանը: Ինչպես եք գնահատում նման հնարավորությունը:

-Կարծում եմ դրանք անլուրջ խոսակցություններ են, ու իմաստ էլ չկա, որ ես դա մեկնաբանեմ: Այսինքն՝ նույն տրամաբանությամբ կարող է ասեն, որ Սերժ Սարգսյանին կարող է փոխարինել Վլադիմիր Պուտինը, Մեդվեդևը, այսինքն՝ Բակո Սահակյանն ի՞նչ կապ ունի այդ ամենի հետ:

-Այնքանով կապ ունի, որ հենց նրան են դիտարկում որպես ՀՀ նախագահի հաջորդ թեկնածու: Եվ չմոռանանք, ի տարբերություն Մեդվեդևի կամ Պուտինի՝ մենք ունենք օրինակ, երբ ԼՂՀ նախագահը դարձավ ՀՀ նախագահ:

-Ես առաջին անգամ Ձեզանից եմ այդ բանը լսում, չգիտեմ:

-Այժմ վերանայվում է Հայաստանի նախագահի թեկնածուների՝ ՀՀ-ում մշտական բնակության տասնամյա ցենզը: Տեսակետ կա, որ դա արվում է հենց Բակո Սահակյանի համար:

-Ես չեմ գտնում, որ այդպես է, կարծում եմ, որ դա որևէ կապ չունի մյուսի հետ: Ես չգիտեմ՝ փոխում են, չեն փոխում, ես չգիտեմ՝ ինչ են քննարկում:

-Տեղեկություններ կան նաև, որ Բ. Սահակյանի՝ ՀՀ նախագահ «դառնալուց» հետո Դուք կրկին ԼՂՀ նախագահի ամենահավանական թեկնածուն եք լինելու:

-Բա ինչի՞ տենց համեստ, գուցե ես լինեմ Հայաստանի նախագահը, շատ համե՛ստ չէ ինձ համար: Ես կարծում եմ, որ դրանք անլուրջ հարցեր են, ի՞նչ է դա նշանակում, որ դա քննարկվե՞լ է, թե՝ նման որոշում է ընդունվել: Հիմա, եթե Դուք իմ կարծիքն եք հարցնում, ես Զեզ ասում եմ՝ ընդհանրապես այդպիսի խոսակցություններ, քննարկումներ երբևէ չեն եղել, և ես չգիտեմ, թե որտեղից Զեզ նման տեղեկություններ: Ես ուրիշների մասին չեմ կարող ասել, ես կարող եմ իմ մասին ասել՝ երբևէ այդ կարգի քննարկումների ոչ մասնակցել եմ, ոչ էլ տեղյակ եմ, որ նման քննարկումներ են եղել:

Մանրամասները՝ «Ժողովուրդ» օրաթերթի այսօրվա համարում: